Seite:Literarischer Verein Stuttgart IX 179.png

	Verschiedene: Bibliothek des Literarischen Vereins in Stuttgart (Band IX)

74.

Deht ich iemer in verdehte ir gv̊te niht.

die man an der vil minneclichen vindet
er mv̊z lachen swer (Bl. 18^b) ir vnder ovgen siht
des si sich nach ir selden vnderwindet.
deme tv̊t si liep vnd ere schin.
wol mich des so selic ist dv͛ frowe min.
swen si mit willen vreide wert
dem git si vreiden swc er ir zerwelte gert.

75.

* Diz ist min vro welt die ich so sere lobe(H. 1, 289^a)

vnd inder dienest ich nv lange schine
swer si minnet der ist allen vroiden obe
si hat vil sv̊zzer wunnen inir schrin.
des mac ir pris wol hohe sten^[1]
och sint gewis. swie hohe ich si gepriset han.
swel man ir besten lon enphat
dc sin zeivngest an dem bœsten ende lat.

76.

     Swaz wibes ere wol gezam§     (H. 1, 296^a)

dar vf so stvnt ie min mv̊t. dc ich daz merti
so vil man danne mich vernam
so waz min wort da bi swa man si erti.
doch bin ich des noch ane ir lon vil nach von in gescheiden.
wan alse vil alse ich ez erwarp mit eiden
dc solt eht sin
waz vmbe dc die wile ich lebe so hant si doch den dienest min.

77.

Wan sol in dienen vmbe dc.

daz niht so gv̊tes lebit alsam die gv̊ten.
vnd dvr die gv̊ten sol man baz
die andern eren danne si ez doch mv̊ten
ich weiz die einen. dc des nieman niemer dorft erdriezen.
ez solden hvndert tv͛sent wol geniezen
der seldecheit^[2]
die got mit vlize an si nach allem wunsche hat geleit.

1. So, lies stan.
2. So, lies selecheit.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 179. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_179.png&oldid=- (Version vom 7.1.2019)