mich dvnket des dc nieman in der welte baz geschehe.
mir mohte an ir ze vreideclichen vroiden alse wol geschehen.
solt ich der wunneclichen trost mit liebem ende mir zeheile noch gesehen.
wie dv lerest herze liebe wider leben.
selde. vreide. herze lip[1]
hat ich eimem[2] wibe in ir gewalt gegeben
bin ich da besweret. we wie sol ich dc gesagen
da wil ich ez alrest got vnd dar nach alder welte clagen.
mich verderben dc ich an der gv̊ten sach.
dc ir schone ie wart so vil.
daz hat mir gemachet swere vnd vngemach.
doch hat mich behabit an liͤbeme wane noch der wan
dc nieman groz liep enmac an vnder wilent leit gehan.
wol mich der mich also svͤze wider wene.
des mv̊t werde als vnvirsent
alse sere sich dvr not der mine[3]
vroͤlich lachen. vnd gv̊tlich sprechen mv̊z mir geben
trost der trœste vnd och[4] enzit. wan anders mv̊z ich senede leben.
so gebaren dc si alle dvnke gv̊t.
dvr waz neme ich mich des an
dc nieman getet noch niemer me getv̊t
ich[5] inder maze des mich dvhte wol gevarn
mohte ich zv̊ der meiste[6] menege miner vůge nihoch[7] gescharn.
alder iht dc hohem mv̊te wol gezimpt.
ich solde anders mich beiagen.
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 177. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_177.png&oldid=- (Version vom 7.1.2019)