mit minneclichem liebe habe
der sol sich des niht svmen so der tac vf gê.
ern twinge sine sinne
sins herzeclichez liebes abe
dvr dc sin kvnfteclichv͛ vrevde werde als ê
so mac dv͛ vrv͛ntschaft . . .[1] wol beliben
och sint gewis swaz man wil vber triben
dc da daz wol vil lihte amende wirt ein we.
so sprach dc wunnecliche wip.
wie nahe mir dc wekken an min herze gat.
ich welle sone welle
so vurhte ich dc din minne mich
an vreiden gar verderbe dv͛ niht maze hat.
ich wene an mir dv͛ maze welle vnmazen
wil tv mich also dicke senede lazen
dc ist ein dinc dc mir den lip niht lange lat.
dv wilt min herze brechen abe.
wan ê dir iht geschehe so mv̊ze mir geschehen
ein vnverheilet smerze.
da man niht vur gebieten kan.
svz stet gegen dir min wille. des mv̊z ich veriehen.
da wirt ein lieplich kvs nach herze sere
dar nach mit rehter gv̊te. inweiz waz mere
da sol man noch gedenken vnd niht gesehen.
so mv̊z doch vngescheiden sin.
getru͛wes herzen trvwe der ich han geplegen.
gen dir sit minne vns beiden
gesellicliche liebe erwarp
so han ich alles trostes mich an dich bewegen.
Verschiedene: Bibliothek des Literarischen Vereins in Stuttgart (Band IX). Stuttgart: , 1844, Seite 172. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_172.png&oldid=- (Version vom 7.1.2019)
