vbel mv̊ze mir geschehen.
kv͛nde ich ie min herze bringe (so) dar.
dc ime wolte wol gevallen (so)
fremeder sitte.
wc hvlfe mich obe ich vil rehte stritte
tv͛schiv zvht gat vor in allen.
her wider vns[1] an der vnger lant.
da mv̊gen wol die besten sin.
dc[2] ich inder welte han erkant.
kan ich rehte schowen.
gv̊t gelaz vnd lvp[3]
so swur ich wol dc hie dv͛ wip
bezzer sint danne ander frowen.
rehte als engel sint div wip getan.
swer si schiltet derst gar betrogen
ich enkan sin anders niht verstan.
tvgent vnd reine minne
swer die sv̊chen wil.
der sol komen in vnser lant. da ist wunne vil
lange mv̊ze ich leben darinne. ◒◒◒◒◒◒
dc ist gv̊t vur vngelvche vnd vur tievels samen.
dc ich gesinge mv̊ze in dirre wis. also
swer hofschen sanc vnd frevde stœre dc der werde vnfro.
ich han wol vnd hovelichen her gesvngen
mit der hovescheit bin ich nv verdrvngen
dc die vnhoveschen nv zehove genemer sint danne ich.
daz mich eren solte dc vneret mich.
herzoge vz osterriche fvrste nv sprich
div[4] enwendes mich ez alleine. so verkere ich mine zvnge.
Anmerkungen (Wikisource)
- ↑ Vorlage: IN nōie dnī.
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 126. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_126.png&oldid=- (Version vom 7.1.2019)