Seite:Literarischer Verein Stuttgart IX 101.png

	Verschiedene: Bibliothek des Literarischen Vereins in Stuttgart (Band IX)

do wc aber ich so vro der stvnde.
vnd der vil kvrzewile dc man der gv̊ten mir zesehenne gvnde
dc ich vor liebe niht ensprech
ez mohte manegem noch geschehen der si sehe als ich si sach.

68.

In disen bo^esen vngetrvwen tagen(H. 1, 180^a)

ist min gemach niht gv̊t gewesen.
wan dez ich leit mit zvhten kan getragen.
ich enkonde niemer sin genesin.
tete ich nach leide als ich ez erkenne.
si liezen mich vil schiere die mich da gerne sehen eteswenne
die mir da sempfte waren bi.
nv mv̊z ich froiden no^eten mich. dvr dc ich bi der welte si.

69.

     Swaz in allen landen§     (H. 1, 183^a)

mir. ze liebe mac geschehen
dc stet in ir handen
anders nieman wil ich ez iehen.
si ist min osterlicher tac.
vnd hans in minem herzen liep.
dc weiz er wol deme nieman niht geligen^[1] mac.

70.

Mich betwanc ein mere

dc ich von ir horte sagen.
wie si ein vrowe were.
div sich schone kan getragen
mit ir gv̊te zaller zit.
ir tv̊gent div zieret wol ein lant.
da von div gv̊te nahe an minem herzen lit.

---

1. So, lies geliegen.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 101. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_101.png&oldid=- (Version vom 7.1.2019)