Wikisource

Seite:Literarischer Verein Stuttgart IX 094.png

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.
43.
     Ez wirt ein man der sinne hat(H. 1, 174a)

vil lihte selic vnd wert.
der mit den lv͛ten vmbe gat.
des herze niht wan eren gert.
div de wendet eime[1] sin vngemv̊te.
sich sol ein ritter vlizen meneger gv̊te
ist ieman der daz nide.
dc ist ein so gevůger schade.
den ich vur aldie welt gerne lide.

44.
Min [2] liep ich mir vil nahe trage.

des ich zware nie vergaz.
des ere ich singe vnd sage.
mit rehten trv͛wen tv̊n ich dc.
si sol mir iemer sin vor allen wiben.
an dem mv̊te wil ich menegiv iar beliben.
wc bedarf ich leides mere.
wan swenn eth ich si miden sol.
dc clage ich vnd mv̊get mich sere.

45.
Ez ist ein nit den nieman kan.

verheln vor den (Bl. 3b) lv͛ten sich.
war vmbe sprichet menic man.
wes toͤret sich der vnd meinet mich.
daz kvnd ich ime[3] gesagen obe ich wolde
ich enwande niht dc ieman fragen solde.
ern phlage schoͤner sinne
wan nieman inder welte lebt
er envinde sines herzen kvneginne.

46.
     In miner bestin froide. froide ich saz. (so)(H. 1, 190a)

vnd dahte wiech den svmer wolte leben
do rieten mine sinne dc.
des ich enkeinen trost niht kan gegeben.
dc ich die sorge gar verbere

  1. ↑ So, lies daz wendet im.
  2. ↑ Pariser und Weingartner Hs. Ein.
  3. ↑ Die Hs. ″ime ″ich.
Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 94. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_094.png&oldid=- (Version vom 7.1.2019)
Von „https://de.wikisource.org/w/index.php?title=Seite:Literarischer_Verein_Stuttgart_IX_094.png&oldid=3473040“