Seite:Hugo Martina 1856 0730.png

	Hugo von Langenstein: Martina

Daz si iemer wurde erlost

290b,29

Morgen fruo si fragte

30

Dez si niht betragte

Die closter frowen gar

Beidiv hin her vnd dar

Ob ieman were da erkant

Ein heilic magt martina erkant

35

Siv sprachin alle sa zestunt

Daz si in were gar vnkvnt

Si fragte furbaz abir mere

Nach der werden megde here

Do kvnde ir in den tagen

40

Nieman von ir rehte gesagen

Grozir zwivel si bestunt

Als si noch vil liute tuont

Und dahte daz ez were

Reht ein betrogen mere

45

Doch betwanc si div not

So div bekorunge ir bot

Vnd gedahte si solde suochin

Den namen an den buochin

Mit dem gedanke gie si do

50

Zvo dem martirilogio

An dem stat geschriben ebin

Aller heiligon namen vnd lebin

So hie div cristenheit begat

Der licham man ir haben hat

55

Und von babsten canonizieret

Daz die cristenheit wol zieret

290c,57

An dem div frovwe suochte

Biz got ir ernstes geruochte

Doch suochte si mit yle

60

Wol eine guote wile

Und vant den namen drate

Den si gesuocht hate

An dez iares anevanc

Vnd an sinem vzganc

65

Div zwei besluzit ein tac

Den ich wol nemmen mac

Ez ist der here tac so groz

Do crist sin erstes bluot gos

Unde dur vns wart besnitten

70

Nach der alten e mit sitten

Fur alder welte vnkivsche

Vnd ir svntlich getiusche

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 730. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0730.png&oldid=- (Version vom 18.8.2016)