Wikisource

Seite:Hugo Martina 1856 0724.png

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.


Si hat von gotte den gewalt
95
Daz si vns wol helfen mac
Fur libes vnd der sele slac
Dez och ie der tievil pflac
Gen vns naht vnde tac
Da von mir armen sündic
100
Div maget ist worden kvndic
Daz wil ich iv betiuten
Gemeine allen liuten
Mir seit ein erbær frovwe
In geistliches lebins schowe
105
Ist si von kintheit gewesen
In dem orden vz erlesin
Ich meine prediger orden
Von der ist erkant worden
Martina in tiuschim riche
110
Doch ist si vil lobeliche
Zerome vnde wol erkant
Und vbir elliv tiuschiv lant
288,1
Zerome was ir reht geburt
Vz dez hohsten adils furt
So do bi den ziten was
Als ich die warheit las
5
Martina div sich ovgte
Uon erst vnd ovch zogte
Helfe der closter frowen hie
Als si mir selbe seite wie
Wan ich gelovbe ir gar wol
10
Als ich von rehte och sol
Wan si ist wol bewæret
Geistlichis lebins vnd beiæret
Daz si die rehten warheit
Billich vnd von schulden treit
15
Got vf si arbeit sante
Geistlich da mit er si mante
Daz si sin hie niht vergeze
Und in fur allis guot meze
Als er och mich warheit ist
20
Der vil süeze ihesus crist
Der sine kenpfen vaste hat
Swie er si vnder wilen lat
Den tievil hie beswingen
Mit arbeitlichen dingen
25
In ein notstal dringen
Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 724. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0724.png&oldid=- (Version vom 18.8.2016)
Von „https://de.wikisource.org/w/index.php?title=Seite:Hugo_Martina_1856_0724.png&oldid=2892270“