Seite:Hugo Martina 1856 0701.png

	Hugo von Langenstein: Martina

Wan alliv disiv wunne hie

Sit daz div welt ane vie

75

Untz an den iungsten tac

Sich niht so vil gelichen mac

Als gen alles meres fluot

Ein vil cleiner troppfe tuot

Daz ander bigeriht ist sa

80

Div loblich frovde alda

Daz wir da mit ogen maht

Sel vnd libes vnverdaht

Sehin cristes menschlich person

Daz ist alle trahte ein lon

278d,85

Daz wir den schowen garwe

In luter menschlicher varwe

Der alle menschen so wilde

Geschuof nach sinem bilde

Daz wir den menschlich kiesen

90

Und die selde niht verliesen

Daz ist frovde vnd frovden zins

Vnd der lebinden frovden flins

Nv horint och daz dritte

Bigeriht mit guotem sitte

95

Daz ist div frode vngezalt

Die wir enpfahen mit gewalt

So wir merken da besunder

Daz grundelose michel wunder

Swie div menscheit ihesu crist

100

Zvo der gotheit gefuoget ist

Wie der vnzallich himel hort

Ich meine daz vatterlich wort

Daz ie ane anegenge was

In der driualtkeit spiegel glas

105

Ane gelichen ane genoz

In dez vatters ewic schoz

Wie daz sit zefleische wart

Bi der megde vnverschart

Und vns zesuone geborn

110

Fur dez vatters alten zorn

So vns diz wunder vngründic

Wirt luterlichen kündic

279,1

Vnd wie crist vnser brvoder

Nach dez fleischis muoder

Ist ein vil gewerer got

Ein gewalt vnd ein gebot

5

Nv sprechint sicherlichen

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 701. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0701.png&oldid=- (Version vom 18.8.2016)