Seite:Hugo Martina 1856 0690.png

	Hugo von Langenstein: Martina

274b,29

Treit zehant er spaltet

30

Solcher tugende erwaltet

Daz er niht vnkivsche lidet

Alle vnreinekeit er midet

Nv merkint alte vnd iunge

Die fromden ordenunge

35

Daz so groz reinekeit

Ein vnversunnen stein treit

Ein tempert bœse hitze

Uon siner naturlichen witze

Och ist sin varwe gruone

40

Vnd machet die gesiht kvone

Mit disen steinen sint gesat

Div tor der himelschen stat

Daz vns fleischlichen liuten

Wol die trahte mac betiuten

45

Die guonlichen ere gar

Dez wir zehimel nemen war

Die si aber mezin wellen

Die svn e hie entswellen

Den lip vnd daz gemuote

50

Uor aller svntlicher fluote

Oder daz vil edel tor

Wirt in dort versperret vor

Da mac wol guonliche sin

Wan div tor sint so fin

55

Da mac wol ane muogen

Lebinde frovde blugen

274c,57

Da kan nieman truren

Wan der stette muren

Sint von aller not bewachet

60

Mit edilem gesteine gemachet

Und wol gemuret allumbe

Daz kvme gelovbit der tumbe

Die zallen ziten glestent

Vnd die frode wol gestent

65

Och sint vber die maze

Der stette wege vnd straze

Mit edilm gesteine dur setzit

Der welt armuot ergetzit

Man singet dur alle gassen da

70

Daz loblich wort alleluia

Daz vns suz betutet ist

Lob si dir herre ihesu crist

Svz singet man dem zarten

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 690. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0690.png&oldid=- (Version vom 18.8.2016)