Seite:Hugo Martina 1856 0672.png

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Hugo von Langenstein: Martina

Der alle criege scheiden kan

Mit dez scharpfen todis wafen

10

Den sach man nie verslafen

Wan sin gewissiv zvokvnft

Hat an vns allen signunft

Menschelichiv friheit alle stunt

Uon siner vorhte wirdet wunt

15

Vnser herzin div ersurent

Uon siner gehugde vnd trurent

Da von ist vnser friheit

Mit iamers mantel hie becleit

Der sorgen ist man aller gast

20

Vf dez himels palast

Da vns div trahte wonet bi

Div frige friheit vorhten fri

Disiv trahte vf der erden

Muoz e erfohten werden

25

Div friheit vnser herzin

Muoz mit mengem smerzin

Uon vns werden bendic

Vz wendic vnd in wendic

267b,29

Gekvppelt vnser wilden gedenke

30

Fromder sinne wege vnd wenke

Muzen werden e gezamet

Vnser friheit erlamet

So wirt div trahte gemachet

Der lip vnd sele och lachet

35

Div sibende trahte so here

Friheit mit grozer ere

Sol man vor gotte niezen

Zehimel ane verdriezen

In ganze frode fliezen

40

In gottes minne zerfliezen

Went ir nv furbaz wissen

Der wir doch nie enbissen

Der ahtoden trahte nvtz

Die man zehimel ane vrdrvtz

45

Niezin sol vor gottes ovgen

Offenlichen vnd niht tovgen

Daz ist schonheit vzer welt

Div dem libe ist gezelt

Der hie vnwider spenic

50

Dem geiste was vndertenic

Der wirt alda gegestet

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 672. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0672.png&oldid=- (Version vom 18.8.2016)