Seite:Hugo Martina 1856 0662.png

	Hugo von Langenstein: Martina

Da ist gesuntheit ane zil

10

Bi der engel seit spil

Daz da so svoze clinget

Der megde schar div singet

Mit aureola bekranzet

Div gar von golde glenzet

15

Div donent gotte lobe liet

Mit aller himelschen diet

Div in lobent alle zit

Mit einander enwiderstrit

Wan siv sint aller siecheit ane

20

Vf dem himelschen plane

Wan der arzat bi in ist

Der kvnsteriche ihesu crist

Der alle siecheit heilet

Mit einem worte vnd geilet

25

Zehimel lip vnd och sel

Mit vns der got Emanuel

Wan vngezalter gebreste

Ist in der welte gebreste

263b,29

Der sieche vnd der gesunde

30

Hant vngeliche stunde

Wan den siechen hilfet niht

Swaz er froden vor im siht

Wan im steteclichen we

Und het och iamers deste me

35

So ander liute frovde hant

Vnd beidiv ritent vnde gant

Und er muoz alleine ligen

Vnd im gesuntheit ist verzigen

Fur war nv gelovbint mirs

40

Im kvnde kvme werden wirs

So ander lute sint gesunt

Und er siechet alle stunt

Nv wizzint daz sicherliche

Erst ane wizzint riche

45

Swer hie hat gesunden lip

Ez si man oder wip

Doch so ist ez crankeit

Der hie gesunden lip treit

Wir muozen wesen sunder danc

50

Nv gesunt nv kranc

Div welt hat dekeine stete

Noch gesuntheit noch gerete

Zehimel ist gesvnder muot

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 662. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0662.png&oldid=- (Version vom 18.8.2016)