Seite:Hugo Martina 1856 0634.png

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Hugo von Langenstein: Martina

In frodericher liehten wete

Iemer me vor gotte lit

Unde och daz glenze zit

105

Als ich iv von den beiden

Da vor och han bescheiden

Daz dritte ist mit voller fruht

Ein iemer werndiv herbest gennuht

Dirre herbest vnlange wert

110

Dez man doch herzeclichen gert

Doch tuot sin fruht mengem we

Der ir och wil ezzin me

252,1

Danne siner nature volkome

Svz wirt sin fruht vnfrome

Sin win och mengen trenkit

Daz im der sin entwenkit

5

Unde ane vernunst ein vihe

Als ich selbe wol sihe

Disv fruht is crankis lobis

Wan div genuht vnd diz obis

Fulet balde vnd verdirbit

10

Daz man doch kvme erwirbit

Der win smeckit vnd wirt seiger

Er ist veiger danne veiger

Swer trinkit oder izzit

Daz er gottes hie vergizzit

15

Da von ist disv fruht cranc

Div hie wert so gar vnlanc

Die man lazen ane danc

Muoz von dez todis getwanc

Swer nv mit guter zvhte

20

Der himel herbest fruhte

An ende welle niezin

Der sol hie ane verdriezin

Ein lebindes obz zwigen

Sin herze vor sünden frigen

25

Den wil ich zwigen leren

Uf einen stock so heren

Dez fruht niht verderben

Mac noch ersterben

252b,29

Demuot si der edel stam

30

Vf den ein zwi heizit scham

Der ist elliv bosheit ringe

Anevanc aller guoter dinge

Daz ander zwi willigiv armuot

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 634. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0634.png&oldid=- (Version vom 18.8.2016)