Seite:Hugo Martina 1856 0610.png

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Hugo von Langenstein: Martina

Ir ampt ist alsus bescheinet
Als sant Dyonisius meinet
Daz si von gottes werde
Tvont zeichen vf der erde

45

Uf der cristenheit fromen

Als wir dicke han vernomen
Hie vnd in mengem lande
Grozer zeichen menger bande
Vnd gebint guoten liuten craft

50

Mit gotlicher meisterschaft

Daz siv zeichen mugen tuon
Uffen gottis werden ruon
Ynd sinem lobe ze prise
Darzvo in der guoten wise

55

Daz man in gottes minne

Hie deste vaster brinne

242c,57

Diz ist ir craft vnde ampt

Daz dirre kor üebit sampt
Der ahtode kor heizit archangeli

60

Dem groziv wirde wonet bi

Ez sint furst engel genant
Unde von der schrift erkant
Daz siv sint die hohsten botten
Vnder alden engel rotten

65

Die der gotlich gewalt sendet

So er hohiv dinc vollendet
Siv fuorent mit siner crefte
Die wirdigosten botschefte
Dez gregorius vrkvnde git

70

Mit siner hoher lere wit

Daz siu die botschaft fuorent
Die den gelovbin ruorent
Als die geburt ihesu crist
Dv von ir einem gekvndit ist

75

Vnd bescheident vns mit lere

Cristes hohen getat vnd ere
Und als gregorius schribet
Ir gewalt von vns vertribet
Der tievil craft vnd gewalt

80

Vnd ir truge menicvalt

Och wirt den luten hie geseit
Uon ir kvnftigiv warheit
Als sant Dyonisius giht
Swaz noch kvnftic geschiht

242d,85

Swaz ich och wirt kvnt

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 610. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0610.png&oldid=- (Version vom 18.8.2016)