Seite:Hugo Martina 1856 0609.png

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Hugo von Langenstein: Martina

Och svnt ir horen ane schamen

110

Hie dez sehzten kores namen

Der ist in liehtem schine
Geheizen potestates in latine

242,1

Nach dem heiligen ysidero

Sint siv an ir ampt also
Nach gotlicher volleiste
Daz in die vbilen geiste

5

Mvozen wesin vndertenic

Swie siv sint wider spenic
Gein gotte mit aller mugent
Uon ir hofart vntugent
Doch muozen siv von gotte

10

Sin vndertenic ir gebote

Also daz siv mit schaden
Hie die liute niht vberladen
Nach ir muot gelusten
Mit ir vil bosen akvsten

15

Noch me von der engel huote

Schribet gregorius der guote
Wie siv die lute sterken
Daz svn wir gerne merken
Die in geistlichem strite switzent

20

Da inne siv dicke erhitzent

Daz die niht werden siglos
Noch geistelicher froden bloz
Als die tievil hant verkorn
Vnd dur hofart verlorn

25

Och svnt ir alle daz merken

Uf die warheit sterken
Daz och dis kore dri
Ein engelschiv wonvnge si

242b,29

Und heizit nach ordenunge

30

Der engel mitel wonunge

Als iv da vor min zvnge
Beschiet mit meinunge

Der sibende kor der engel schar
Heizit mit namen svnderbar

35

Uirtutes nach der schrifte sage

Die niht von dekeiner wage
Mvode werden kvnnen
Als in dez got wil gunnen
Wie siv gar volle bringen

40

Gottes willen an alle dingen

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 609. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0609.png&oldid=- (Version vom 18.8.2016)