Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.
- Mit gotes helfe vber stritten
- Als ich vernam zetiute
- 90Von vil geistlicher liute
- Die ez gelesen selbe hant
- Der ich niht wan einlof vant
- An ir legende geschriben
- Ob den ich han vertriben
- 95Ein teil miner stunde
- So ich aller beste kvnde
- Uon so menger herte
- Vnd ir grozen vngeverte
- Ist daz von reht erlovbet
- 100Daz sant Martinvn hovbet
- Avreolam den cranz trage
- Nach der waren schrift sage
- Zim dritten male sol si han
- Den selben cranz wol getan
- 105Daz div maget vil geherte
- Den cristen gelovbin lerte
- Und gottes wort kvnte
- Vnd menic herze enzvnte
- An der süezen gottes minne
- 110Dez wurden vil wol inne
- Weizgot aht ritter
- Die mit marter vil bitter
- 239,1Ir kivschen lip murten
- Die gotes genade spurten
- Vnd wurden von ir bekeret
- Den rehten gelovbin geleret
- 5Und anders vil der heiden
- Als ich vor han bescheiden
- Da von div reinv predierin
- Dez vngelovben ledigerin
- Avreolam von schulden nimet
- 10In drie wis als ir gezimet
- Dez enpfie si vil suoze
- Der himel her mit gruoze
- Der engel prince si enpfie
- Darnach ir tugende begie
- 15Div hoh gelobte cristes muoter
- Uil menger engel huoter
- Wer mohte ir ere erziln
- Sant Martinvn ir gespiln
- Mit werden anevange
- 20Enpfie si vnd lobis clange
Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 601. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0601.png&oldid=- (Version vom 18.8.2016)
Hugo von Langenstein: Martina. Hg. von Adelbert von Keller. Stuttgart 1856, Seite 601. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0601.png&oldid=- (Version vom 18.8.2016)
