Wikisource

Seite:Hugo Martina 1856 0523.png

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.


So merkint daz die alle sunt
Gerihtet werdent an der stunt
75
Mit dem gerihte der gelte
Als siv in dirre welte
Ir lebin hant gestellet
Als wirt in lon gezellet
Die aber den gelobin verbaren
80
Vnd niht cristes burger waren
In der gotis erwelten stat
Da cristes volk ist in gesat
Die werdent als ez ist geschriben
Reht als vient vertriben
207d,85
Ane dez vrteilis frage
Wan si mit rehter plage
Waren hie vrteilit
Zvo dem tievil geseilet
Und waren der helle kneht
90
Da von ist diu vrteil sleht
Aber div vbeln cristen
Die den gelovbin wol wisten
Vnd doch vnrehte lebten
Und wider got hie strebten
95
Die werdent da zeleste
Als burger niht als geste
Nach vrteile gerihtet
Vnd als daz reht pflihtet
Gepinet vnd gekestegot
100
Nach dez vrteilis gebot
Ir svnt abir diz wissen
Nach der warheit geflissen
Daz da diz selbe geriht
Doch niht darumbe geschiht
105
Daz man von nivwen da enbere
Alle dinc vnd div ervere
Ob si sin vbil vnde guot
Als hie div welt tuot
Dez ist dekein not
110
Wan daz lebin alder tot
Wirt dem menschen da beschert
So div sele hinnan vert
208,1
Wan daz der guoten selekeit
Mit offenunge werde bereit
Daz man da schowe ir selde
Und ir tugenden gemelde
5
Vnd daz ir frovde so groz
Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 523. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0523.png&oldid=- (Version vom 18.8.2016)
Von „https://de.wikisource.org/w/index.php?title=Seite:Hugo_Martina_1856_0523.png&oldid=2888426“