Seite:Hugo Martina 1856 0406.png

	Hugo von Langenstein: Martina

10

Den si cristes fride geseit

Ich wil wol gelovben

Daz dem keiser tovben

Vnd dem heidenschen liut

Der reine fride wurde nivt

15

Der keiser alexander

Cleine got erkander

Sin herze was versteinet

Verhertit vnd vermeinet

Sin wisheit was erblendet

20

Dez waren liehtis gepfendet

Wafen iemer wafen

Wie was er suz entslafen

Daz er niht wart erwecket

Uon dem wunder vnverdecket

25

Daz er niht envorhte

Div wunder div got worhte

Da wider er niht mohte

Getuon als ez dohte

161b,29

Im was der kvnst zerrunnen

30

Uon leide vnversunnen

Doch was sin herze grimme

Vnd sprach mit luter stimme

Zeinem rihter alsus

Der was geheizin jvstinus

35

Nim die wider wertigen

Martinan die vnvertigen

Die vngenemen schanden

Hin zvo dinen banden

Diu vns mit ir zovber

40

Machet tovber danne tovber

Und vnser gotte schinpfet

Dez si sich noch berinpfet

Ist daz mir niht geswichet

Min gewalt noch entwichet

45

Vnd sol ich daz lebin han

Ich ovge ir einen grifzan

Und tuon si frovden ane

Von dem tumben wane

Ich si schiere bringe

50

Und bringe ir gedinge

Die si het ze criste

Vnd ir zoberliste

Ich tuon ir froden mat

Unde slahe ir ein pfat

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 406. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0406.png&oldid=- (Version vom 18.8.2016)