Seite:De Zimmerische Chronik 4 246.jpg

	Froben Christoph von Zimmern: Zimmerische Chronik. Band IV. Herausgegeben von Karl August Barack.

Welch elich warn, die funden sich.
Mir ward auch ain, was süberlich.
Mit der gieng ich den andern nach

Zu unserm würt; do war uns gach.

5

[1152] Er hieß uns wilkom sein mit ern

Und fragt, ob wir eelich wern.
Wir sprachent ja und anders nicht.
Zu hand der würt entpfieng ain liecht;

Er gab ie zwaien ain aigen bett.

10

»Ach lieben kinder, nun schlaffend dwet!

Nun habend freud und dhainen trotz!
Nun ligendt in dem namen Gots!
Der welle euch geben craft und macht!

Alde! Alde! zu guter nacht!« 

15

Der würt gieng hin, wier schliefend lang,

Biß morgen, das die son hertrang.
Da zugent mir in das convent.
Ehe ich mich hett recht umbgewendt,

So was die morgensup berait,

20

Der abt selbst das brot darein schneit.

Als ich mein notturft gessen hat,
Den apt ich da umb urlaub pat.
Irs gunstes und auch der ehre

Dankt ich inen allen sehre,

25

Die mir von im ward angelait.

Der apt bate mich insonderhait,
Sover es mir gefallen sollt,
Das ich bei inen beleiben sollt.

Ich sprach: »Gnad her, wer es gestalt

30

Mit meinen sachen manigfalt,

Ich bleib bei euch, das glaubt on spott!« 
Er sprach: »Dich muß bewaren Gott!« 
Damit so trat ich an die port.

Dem portner schankt ich da ain ort,

35

Umb das er meins ross nit vergas.

Ich segnet in und ritt mein straß,
Die mich zum ersten het darpracht.
Nun hab ich seidher dick gedacht

Und denke noch allweg stettenclich,

40

Das es ain closter wer für mich.

Darin ich sicher bleiben wöllt,
So lang mein leben weren söllt.
Ob nun das glick mich also erth,

Das mir der orden were beschert,

45

So würde ich gar gehorsam sein

Und stellen ganz das leben mein,
Geleich wie die regel das inhellt;
Bevorab müßt ich sein gestellt

Dem apt mit willen underthon,

50

Dann törft ich nit in körker gon.

---

Empfohlene Zitierweise:
Froben Christoph von Zimmern: Zimmerische Chronik. Band IV. Herausgegeben von Karl August Barack. Akademische Verlagsbuchhandlung von J. C. B. Mohr, Freiburg, Tübingen 1882, Seite 246. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:De_Zimmerische_Chronik_4_246.jpg&oldid=- (Version vom 12.4.2018)