| Römischen Reichs peinlich gerichts ordnung. | X |
ITem so eyner gefangen heymlich helt / die jm entlauffen / vnnd anzeygen / wo sie gelegen seindt / mher so eyn verdechtlicher den man inn der sach nit vil guots vertrawet / aber partheilig vnd auff der thetter seitten / auß guoten vrsachen helt / one vorwissen des gefangen oberkeyt vertreg vmb schatzung macht / vnd die schatzung innimpt oder bürg darüber wirdet / dise ding alle / inn beyden obbemelten artickeln / samentlich vnd sunderlich / seindt warzeychen / die eyn redlich anzeygung der mißthettiger hilff halber machen vnnd peinlich zufragen.
xlj ITem so eyner eyns heymlichen prandts verdacht / oder beklagt würde / wo dann der selbig sunst eyn argkwonig gesell ist / vnd man sich erkunden mag / daß er kürtzlich vor dem prandt / heliger vnd verdechtlicher weiß / mit vngewonlichen verdechtlichen geuerlichen feuerwercken / damit man heymlich zuo brennen pflegt / vmbgangen ist / das gibt redlich anzeygung der mißthat / er kündt dann mit guoten glaublichen vrsachen anzeygen / daß er solchs zuo vnstrafflichen sachen gebraucht hett oder gebrauchen wöllen.
xlij. ITem so der verdacht heliger vngewonlicher vnd geferlicher weiß / bei den jhenigen / denen er verraten zuo haben inn verdacht steht / gesehen worden / vnd sich doch stellet / als sei er vor denselben vnsicher / vnd ist eyn person darzuo man sich solchs versehen mag / ist ein anzeygung zuo peinlicher frag.
xliij ITem so der diebstal / bei dem verdachten gefunden oder erfarn wirdet / daß er den gar / oder zuom theyl gehabt / verkaufft / vergeben / oder onworden habe / vnnd
unbekannt: Keyser Karls des fünfften: vnnd des heyligen Römischen Reichs peinlich gerichts ordnung. , Mainz 1533, Seite 31. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:De_Constitutio_criminalis_Carolina_(1533)_031.jpg&oldid=- (Version vom 31.7.2018)
_031.jpg&oldid=-){kind=link}
_031.jpg&oldid=3239529){kind=link}