|
Diverse: Codex diplomaticus Anhaltinus/Band 3 |
|
|
1330. November 11. Lüneburg. Hinze von Warmsdorf verpfändet den Herzögen Otto und Wilhelm von Braunschweig die Hälfte des Schlosses Hitzacker.
We her Hinze van Warmstorpe riddere bekennet in useme openen breve, dat we unde use rechten erven settet unde hebbet ghesat den edelen vorsten hertoghen Otten und hertoghen Wilhelme van Brunswik unde van Luneborgh unde eren rechten erven de helfte des slotes to Hidzackere unde aller gülde in tollen unde in allem güde, dat darto hört, mit richte unde mit rechte, alse we it hebbet unde hadden van hertoghen Rodolfe van Sassen, vor achtehalfhundert mark Iodeghes sulveres. Use heren van Lu- neborch schultet den berch unde dat hus up dem berghe beholden alene, unde we dat hus in der stat alene.--We en moghen ok unsen heren van Luneborch unde eren erven dat slot to Hydsackere nicht aflosen noch use erven, noch de losinghe en kundeghen, er se ns hertoghe Rodolfh van Sassen kundeghet oder sine erven.---
Gheschen to Luneborch, na Godes bord drytteynhundert iar in deme drytteghesten iare, an sunte Mertens daghe.
Vollständig gedr: Sudendorf Urkdbch. zur Gesch. der Herzöge von Braunschtoeig I. 261. — Vergl. no. 547, 565, 681 und 582.
1330. November 11. Lüneburg. Die Herzöge Otto und Wilhelm geloben, dem Ritter Hinze von Warmsdorf die Hälfte des Schlosses und der Stadt Hitzacker für die Pfandsumme wiederabzutreten, wenn Herzog Rudolf I von Sachsen das ganze Schloss wiedereinlösen sollte.
Van Godes gnadhe we hertoghe Otto unde hertoghe Wilhelm van Brunswik unde Luneborch bekennet--: wan her Hince van Warmestorpe riddere edher sine rechten erven achtehalfhundert mark Iodeghes sulveres gheven hebbet unde to Luneborch bered unde betaled hebbet us unde usen rechten erven, so schulle we en wedherandwerdhen Hidzakere dhat slot half, hus unde stat, mit aller gulde in tollen unde in allem gude, dhat darto hört, mit richte unde mit rechte, also it us steyt. Dhat ne schal aver nicht er sehen, er hertoghe Rodholf van Sassen edher sine rechten erven dhat slot to Hidz- akere al gans loset.--
Dhit is gheschen to Luneborch, na Godes borth dhusent iar drehundert iar in dheme dritteghesten iare, in sunte Martines daghe.
Nach dem Original vollständig gedr: Sudendorf Urkdbch. der Herzöge von Braunschweig I. 261. — Vergl. die no. 547, 565, 580 und 582. — Drei ähnliche auf die Verpfändung Hitzackers von Seiten Hinzes von Warmsdorf bezügliche Urkunden vom 6. Januar 1332 bei Sudendorf l. c. 272—273.
Diverse: Codex diplomaticus Anhaltinus/Band 3. Dessau: Emil Barth, 1877, Seite 407. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_407.jpg&oldid=- (Version vom 31.7.2018)
