|
Diverse: Codex diplomaticus Anhaltinus/Band 3 |
|
|
setten, den he vormach. Bekant he des, he scal den wederdun up sin rech mit bute; vorsaket he des, he scal des unsculdich werden upen heiigen. Dar spreke we bi unsen truwen, dat dat rech is und we nich rechteres weten1 noch bevragen kunnen.
Tu den twelften reden, de unse here greve Bern sprik, um den toln und des bi- scopes antwerde dariegen, dar spreke we her Ot und her Herman dat vor en recht: Wen unse herre greve Bern darumme sculdeget, den scal ome de biscop to rechte setten, den he vormach. Vorsaket hes, he scal des unsculdich werden1 upe den heiligen; be- kant hes, he scal dat wederdun upe recht mit bute. Dat spreke we bi unsen truwen, dat dat recht is und we nicht rechteres weten noch bevragen kunnen.
Tu den drettegheden reden, de unse herre greve Bern sprik, umme sine man, de van ome belent sin, und des biscopes antwerde dariegen, dar sprek we her Ot und Herman dat vor en recht: Mach unse herre greve Bern des volkomen, man deyd om daran unrecht. Wen he sculdeget um den scaden, den scal ome de biscop to rechte setten, den he vormach. Bekant hes, he scal den wederdün upen recht mit büte: vor- saket hes, he scal des unsculdich werden upen heiligen. Dat spreke we bi usen truwen, dat dat rech is und we nicht rechteres weten noch bevragen kunnen.
Tu den vertegeden sculden, de unse herr greve Bern sprik, umme veftich mark tü Asscersleve und des biscopes antwerde dariegen, spreke we her Ot und her Herman dat vor en recht: Wen unse herre greve Bern darumme sculdeget, den scal ome de biscop to rechte setten, den he vormach. Bekant hes, he scal den wederdün upen recht mit büte: vorsaket hes, he scal des unsculdich werden upen heiligen. Dat spreke we bi usen truwen, dat dat recht is und we nich rechteres weten noch bevragen künnen.
Tu den veftegeden reden, de sprik use herre greve Bern, umme de vangenen und des biscopes antwerde dariegen, dar spreke we her Ot und her Herman dat vor en recht: De biscop de scal bekennen ader vorsaken der tit und des scaden. Bekent hes, he scal den wederdün up sin recht mit büte; vorsaket hes, he scal des unsculdich werden, also recht is. Dat spreke we bi usen truwen, dat dat recht is unde we nicht rechteres weten noch bevragen künnen.
Tu den sestegeden reden, de unse herre greve Bern sprik, umme sine clostere und umme sine papen unde des biscopes antwerde dariegen, dar spreke we her Ot und her Herman dat vor en recht: Hed de biscop unses herren greven Bern clostere und papen tu unrechte bescatet eder beden, also he und alle de sine in güde scolden siten mittem goddeshuse, he scal ome den scaden durch recht wederdün. Dat spreke we bi usen truwen, dat dat recht is unde we nicht rechteres weten und bevragen künnen.
Tu den seventegeden reden, de unse herre greve Bern sprik, um sin Kokenholt und des biscopes antwerde dariegen, dar spreke we her Ot unt her Herman dat vor en recht: Wen use herre greve Bern sculdeget umme den scaden, den scal ome de biscop to rechte setten, den he vormach. Bekant hes, he scal den wederdün upen recht mit büte; vorsaket hes, he scal des unsculdich werden upen heiligen. Dat spreke we, dat dat recht is und we nicht rechteres weten noch bevragen künnen.
Tu den achtegeden reden, de unse herre greve Bern sprik, umme den scade van deme hus tu Wegeleve und des biscopes antwerde dariegen, dar spreke we her Ot und her Herman dat vor en recht: Also unse herre greve Bern sprikt, dat dat hus tü We- geleve dat dat si sinen openbaren vienden antwerded und ome daraf grot scade si gescin, wel de biscop van Halberstat dat hus in sinen Vreden und in sinen sonen be-
Diverse: Codex diplomaticus Anhaltinus/Band 3. Dessau: Emil Barth, 1877, Seite 332. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_332.jpg&oldid=- (Version vom 31.7.2018)
