1316. Juni 24. Dessau. Graf Albrecht I von Anhalt bewidmet die Altäre des h. Johannes und der h. Maria Magdalena in der Marienkirche zu Coswig mit zwei Hufen Landes zu Barchhausen.
In nomine Domini amen. Nos Albertus Dei gratia comes de Anhalt omnibus presens scriptum inspecturis salutem. Quia veritas sepe contumeliam patitur et succumbit, ex eo videlicet, quia acta hominum faciliter in oblivionem deveniunt, si non fuerint litterarum testimonio roborata, hinc est quod nos ad notitiam devenire cupimus tam modernorum quam futuri temporis successorum publice protestantes, quod nos una cum consensu fratrum nostrorum et heredum pro remedio anime nostre sucessorumque nostrorum duos mansos sitos in campo seu in villa Barchusen cum omnibus proventibus necnon cum omni iure et proprietate, quemadmodum nos huc actenus habuimus et possedimus, damus, inquam proprietatem dictorum duorum mansorum ad duo altaria edificata in ecclesia sancte Marie in Kozwic, videlicet ad altare sancti Johannis ewangeliste et ad altare beate Marie Magdalene, perpetuo possidendos libere et quiete. Ut igitur nostra donatio robur possit habere perpetue firmitatis, presentem paginam sigilli nostri appensione iussimus perhennari. Testes vero huius rei sunt: dominus Johannes de Glindenberch, dominus Bernhardus de Wulve, dominus Wipertus de Scerwist, dominus Eckehardus Stamer, dominus Hermannus de Allenburch, dominus Busse de Pasleve, dominus Henricus de Sczhudere, et alii quam plures fide digni. Datum Dessowe, anno Domini mo.cococo.xvj, in die beati Johannis baptiste.
1316. August 17. Coswig. Graf Albrecht I von Anhalt schenkt dem von seinem Vater gegründeten Frauenkloster zu Coswig, in welches dieser fünf Töchter gegeben, das ihm von Fritz von Steene und Burchard von Kochstedt aufgelassene Dorf Klein-Körnitz.
Nos Albertus Dei gratia comes de Anhalt ad perpetuam memoriam universis Christi fidelibus presencia visuris seu audituris volumus notum fore, quod ob Dei amorem ac intimum sanctissimumque caritatis affectum, quo erga monasterium religiosarum dominarum in Coszwic monemur, nec inmerito, cum ipsum dilectissimus pater noster fundaverit ac obtulerit quinque filias suas, karissimas sorores nostras, ibidem in obsequium summi et eterni regis, non minus etiam in salubre remedium animarum nostre ac progenitorum nostrorum cum consensu heredum nostrorum, videlicet Alberti et Woldemari, proprietatem ville Minoris Corniz cum omnibus proventibus, attinenciis iuribusque, que ad ipsam pertinent, eciam advocatie et villicatus, hoc excepto, quod villicus, qui senior
Otto von Heinemann (Hrsg.): Codex diplomaticus Anhaltinus. Band 3., Dessau: Emil Barth, 1877, Seite 206. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_206.jpg&oldid=- (Version vom 31.7.2018)
