examini decidenda. Ut autem hec data a nobis liberalitas infringi livore nequeat
posterorum, presentem paginam duximus roborandam nostris sigillis. Testes huius donationis sunt: Herewicus viceplebanus in Brucelliz, Albertus civis eiusdem ville, dominus
Heidenricus Stripan, et alii quam plures, quorum fides nullatenus est neganda.
Acta sunt hec Berneburch in cimiterio, anno Domini mo.cco.lxxxxj, in die sancti Bonifacii2.
1291. Juni 7. Erfurt. Der Scholasticus Heinrich von S. Marien in Erfurt wiederholt die gegen den Grafen Otto I von Anhalt wegen seiner Vergewaltigungen gegen das Marienstift in Halberstadt verhängte Excommunication.
Heinricus scolasticus ecclesie sancte Marie Erfordensis, iudex sive executor a reverendo patre ac domino Gerhardo archiepiscopo Maguntino deputatus, honorabilibus viris et discretis … abbatibus, … prepositis, … decanis, … archidiaconis, … plebanis, viceplebanis ceterisque ecclesiarum et cappellarum rectoribus universis Halberstadensis diocesis, ad quos presentes littere pervenerint, salutem et sinceram in Domino caritatem. Contra obstinatos clavium sancte matris ecclesie contemptores tanto districtius canonica debet excandescere severitas, armari iusticia zelusque insurgere prelatorum, quanto periculosius contumacie perversitas transit presumptoribus in exemplum. Cum itaque ad instanciam … decani et capituli ecclesie sancte Marie Halberstadensis illustrem principem dominum Ottonem comitem de Anehalt auctoritate domini nostri archiepiscopi Maguntini antedicti debito iuris ordine observato in pristinam excommunicationis sententiam, qua per venerabilem patrem dominum Volradum1 Halberstadensem episcopum fuerat innodatus, restruserimus sive reduxerimus pro eo, quod predictis … decano et capitulo ablata non restituit nec curavit satisfacere de dampnis datis et iniuriis irrogatis, idem vero comes reprobo sensu utens nec intelligens que Dei sunt huiusmodi sententias contra se latas aliquamdiu animo sustinet indurato in grave sue salutis dispendium et detestabile scandalum plurimorum ac in prefatorum … decani et capituli non modicum preiudicium et gravamen, eapropter per modum aggravationis cogimur contra ipsum procedere acrius iterato, ne diutius exempli pernicie mores inficiat aliorum, mandantes vobis singulis et singulariter universis in virtute sancte obediencie et sub pena suspensionis ingressus ecclesie, quam in vos post octo dies a recepcione presentium computandos, quos quidem dies pro primo, pro secundo et pro tertio canonice monicionis termino deputamus, proferimus in hiis scriptis, si, quod non speramus, mandati nostri, immo verius domini archiepiscopi Maguntini, extiteritis transgressores, quatenus supradictum dominum Ottonem comitem de Anehaylt2 in singulis et omnibus dominicis diebus et festivis accensis candelis sonantibusque campanis tam diu excommunicatum publice nuncietis et ab omnibus Christi fidelibus arcius evitandum et nichilominus per plebanos vobis subiectos faciatis eundem excommumcatum strictione predicta nunciari, donec vobis, super absolucione sua litteras representet.
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 493. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_493.jpg&oldid=- (Version vom 31.7.2018)
