1282. September 10. Ascharien. Graf Otto I von Ascharien bewidmet das Marienkloster vor Aschersleben mit dem Eigenthum einer Hufe Landes zu Winningen, welche der Pfarrer Johannes zu Waldau gekauft und dem Kloster geschenkt hat.
In nomine patris amen. Otto Dei gratia comes Ascharie et princeps in Anehalt omnibus, ad quos presens scriptum pervenerit, salutem in eo, qui est vera salus. Ut posteritas in discretis modernorum actibus non oberret, consultum est ea, que provide fiunt, fideliter perhennari. Notum sit igitur universis tam posteris quam presentibus, quod cum consensu et bona voluntate domini Heinrici dilecti fratris nostri ob reverentiam Dei et matris misericordie in aucmentum nostre salutis et omnium predecessorum nostrorum ecclesie beate virginis Marie et conventui ancillarum Christi penes muros civitatis nostre Ascharie dedimus proprietatem unius mansi in campis Winninge cum omnibus pertinentibus prefate ecclesie et conventui quiete et libere perpetuo permanendam, quem mansum magister Johannes plebanus in Waledale iam dicte ecclesie perpetuo habendum suis denariis pie et rationabiliter a domino Friderico de Torthun, nostro milite, nobis annuentibus conquisivit. In cuius facti evidens et inviolabile testimonium presens scriptum dedimus sigillorum nostrorum patrocinio communitum. Testes sunt: comes Heinricus de Kircberch, dominus Lodewicus nobilis de Hakeborne, nostrique fideles et milites Henningus et Arnoldus dicti de Monte, Olricus marscalcus noster, Thilo de Wederstede, Heinricus de Reinstede, Helenbertus de Welsleve, et alii quam plures fide digni.
Datum Ascharie, anno Domini mo.cco.lxxxij, iiij Ydus Septembris.
1282. September 27. Vertrag zwischen den Herren Friedrich und Otto von Rosslau und dem Nonnenkloster zu Ankun über den Verkauf des Dorfes Molenstedt und des dabei gelegenen Buchholzes.
Inter milites strennuos Fridericum1 et Ottonem1 dominos de Rozlowe ex una parte et prepositum beate virginis in Ankona ex parte altera super vendicione et emptione ville Molenstede et adiacente silva, que Bucholt vocatur, tractatum exstitit in hunc modum, videlicet quod iam dicti domini fratres in Rozlowe dimiserunt dominabus in Ankun2 villam prelibatam cum omnibus suis attinentiis et iure et proprietate, domine quoque in solutionem bonorum eorundem pro silva et villicatione dabunt lxxvij marcas - pro frusto vero3 quolibet redituum ville, sive sit siligo vel avena seu denarii, dabunt vij marcas, quando eis libera hec assignantur, cum quibus eciam pulli et decima carnium tota sine solutione transibunt - hoc addicientes, quod siligo, denarii et avena solucionem debitam, sicut tractatum exstitit,
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 386. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_386.jpg&oldid=- (Version vom 31.7.2018)
