1238. Februar 28. Merseburg. Bischof Ekkehard von Merseburg und Genossen bekunden den am 28 October 1237 zu Brandenburg bezüglich der Brandenburger Zehnten, auch derjenigen im Besitze der Herren von Zerbst, abgeschlossenen Vergleich.
Eggehardus Dei gratia episcopus, Rodolfus prepositus, Ernestus scolasticus Merseburgensis, iudices a sede apostolica delegati, universis Christi fidelibus - in perpetuum. -- Johannes et Otto marchiones Brandeburgenses protestati sunt et recognoverunt tam viva voce quam per scripturas eorum publice coram clero et populo, ius et proprietatem decimarum bonorum suorum in Brandenburgensi dyocesi sitorum, tam in novis quam in veteribus terris, ad ius et proprietatem Brandeburgensis ecclesie pertinere. Eis vero decedentibus omnes heredes eorum et heredes heredum ac omnes ab eis per directam lineam descendentes idem ore protestabuntur et scripto, et hoc faciet successor quilibet infra annum. --- Episcopus Brandeburgensis vasallos suos, quicunque fuerint tenentes decimas ab eodem bonorum omnium marchionis et fratris eius in dyocesi sua sitorum transmisit ad marchiones et eorum predictos heredes recepturos decimas ab eisdem, exceptis tribus de Mokerne, de Tserewist et de Plawe, qui et heredes eorum manent vasalli episcopi, usque dum vacent decime per mortem eorum, nisi sponte et de bona voluntate eorum elegerint recipere decimas de manu marchionum. Tunc eos episcopus remittet ad illos, sicut de aliis est scriptum. Si autem non elegerint decimas ipsas recipere de manu marchionum, tunc episcopus eis decedentibus non conferet decimas ipsas eorum heredibus nisi soli. --- Acta sunt hec Brandeburch in infirmaria maiore, in die beatorum apostolorum Symonis et Jude, hoc est v Kal. Novembris, anno ab incarnatione Domini mo.cco.xxxo.vij. -- Cum igitur compositio supradicta de consensu partium, videlicet marchionum, episcopi et prepositi et capituli, sit concorditer acceptata --, nos eam auctoritate apostolica confirmamus ipsam tam nostris quam venerabilis patris domini Ghernandi Brandeburgensis episcopi ac domini Jacobi prepositi et capituli Brandeburgensis et dominorum marchionum sigillorum munimine roborantes.
Datum Mersborch, anno Domini mo.cco.xxxviijo, ijo Kal. Martii, indictione xj.
1238. August. Bei der Belagerung von Brescia. Kaiser Friedrich II beurkundet in Gegenwart des Grafen Heinrich I von Ascharien, dass ihm Gottfried von Hohenlohe die Vormundschaft über den Sohn Rudolfs von Kislau gegen die Belehnung mit Gütern zu Wenzelbach und sonst im Rheingau vertauscht habe.
--- Cuius rei testes sunt: dilecti principes nostri Bertholdus patriarcha Aquilegensis, Sifridus archiepiscopus Moguntinus, Conradus Coloniensis electus, Willeprandus1
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 111. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_111.jpg&oldid=- (Version vom 31.7.2018)
