unum chorum tritici et dimidium siliginis Magdeburgensis mensure cum vectura
pro xij marcis puri argenti emimus cum consensu heredum suorum Johannis et Heinrici
de Bigere, statuentes in anniversario nostro fratribus exinde servicium ministrari. Ut
igitur presens statutum nostrum robur et munimen in perpetuum habeat, sigilli nostri
inpressione subter insignimus, nomina testium annotantes: comes Bedericus de Thorburch, Bernardus de Ekkehardestorp, Albertus de Wizthele, Conradus de Cothene,
Burchardus et Hardwigus de Welsleve, Thidericus et Harbordus de Corligge, Albertus
de Doraz, Johannes advocatus, Engilboldus de Sleveniz, Liudegerus et Thidericus de
Weddigge, Johannes et Conradus de Haldegestorp.
Acta sunt hec anno Domini m.occo.xxxjo, indictione quarta.
1231. (Januar-September.) Die Aebtissin Osterlindis von Quedlinburg schenkt ihrem Convente die von dem Grafen Hoier von Valkenstein aufgelassene Vogtei der Quedlinburgischen Güter zu Rieder.
In nomine Domini amen Osterlindis Dei gratia Quidelingeburgensis abbatissa omnibus Christi fidelibus tam presentibus quam futuris in perpetuum. Omnem rem gestam temporis mutabilitas et vetustas in oblivionem deducunt: ideo ea, que aguntur, perpetuo observanda scriptis merito commendantur. Ad notitiam igitur universorum volumus pervenire, quod nos advocatiam bonorum allodii in Redere nostro conventui pertinentis et silve cuiusdam iuxta eandem villam site a comite Hoiero de Valkensten nostris manibus resignatam, qui eandem prius tenebat in feudo, predicto nostro conventui libera donatione bonaque contulimus voluntate. Conventus siquidem eidem Hoiero comiti novem marcas dedit pro resignatione advocatie prefate, plene sue fraternitatis sibi communionem et consortium conferendo cum eo pacto, ut tam sui quam uxoris sue anniversarius dies obitus apud nostram ecclesiam in perpetue commendationis memoria teneatur. Illud etiam1 memorie firmiter volumus commendari, quod dictus Hoierus comes ipsam advocatiam tam sylve quam allodii memorati adeo libere resignavit, quod nichil iuris vel iudicii sibi retinuit in eadem, excepto quod iustam corporis condempnationem contingit, quod solum suo iudicio reservatum. Ut igitur nostra donatio cum his, que superius sunt expressa, perpetuis temporibus maneat inconvulsa, presentem paginam tam nostro quam supradicti Hoieri comitis sigillo munitam conventui nostro duximus conferendam cum annotatione testium, quorum hec sunt nomina : Bavo prepositus Montis sancte Marie, Johannes Leo, Hinricus sacerdos Bavarus; laici Hermannus de Marsleve, Tidericus pincerna, Conradus de Querenbeke, Fredericus de Cattenstede, Hinricus de Wenethusen, Bernardus de Groninge, et alii quam plures. Actum anno gratie mccxxx primo, indictione quarta.
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 90. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_090.jpg&oldid=- (Version vom 31.7.2018)
