Premonstratensem ex una parte et prepositum sancte Marie Magdeburgensis, de Gratia
Dei, de Lizeke, de Brandeburg, de Havelberg, de Ratzeborg, de Jerichow, de Collebeke,
de Rothe, de Quiddelingborg, de Wida, de Polethe, de Gramzow, de Themnitz prepositos ab ecclesia sancte Marie Magdeburgensis descendentes ex parte altera, super eo
videlicet, quod idem abbas et conventus Premonstratensis prepositos prenominatos a
prima plantatione religionis ordinis Premonstratensis asserebant debere convenire ad
generale capitulum Premonstratense et communibus institutionibus ordinis obedire, partibus super hoc dissentientibus, cum a sede apostolica diverse super hoc litere ad diversos iudices emanassent, tandem et spontanee consentientibus viris discretis H. cantore
et suis coniudicibus Metenensibus necnon et viro venerabili magistro Ludovico procuratore reverendi patris Dei gratia Magdeburgensis archiepiscopi ad componendum specialiter destinato placuit partibus in hanc formam pacis et concordie amicabiliter in nostra
presentia convenire secundum quod inferius est expressum, videlicet quod omnes prepositi supradicti tenebuntur ad generale capitulum Premonstratense accedere de triennio
in triennium et ibidem facere obedientiam domino abbati Premonstratensi excepto preposito Marie Magdeburgensis, de quo inferius est aliter ordinatum, ita tamen, quod obedientia illa non ligabit illos ad recedendum a consuetudinibus seu iuribus, observationibus seu constitutionibus, quas antea habuerunt, nec per abbatem Premonstratensem neque per capitulum recedere ab eisdem, imo suis conscientiis relinquentur, donec eis
fuerit divinitus inspiratum, quod per omnia se velint ordini confirmare. Si autem predicti prepositi vel aliquis eorum ea, que predicta sunt, non observaverint, dominus Premonstratensis abbas ipsos per suspensionis et exeommunicationis sententias puniet, si
voluerit, et dominus prepositus sancte Marie Magdeburgensis ipsas sententias observabit
et faciet observari nec eis, si super hoc se2 defendere voluerint, aliquod auxilium vel consilium exhibebit. -- Hoc etiam adiectum est et conventum, quod, quamdiu fuerint
tam ipse prepositus sancte Marie Magdeburgensis quam etiam omnes prepositi supradicti citra Premonstrate ad tres dietas, sive eundo ad capitulum sive redeundo a capitulo sive alio modo moram fecerint circa Premonstrate, ad tres dietas conformes erunt
ceteris professoribus ordinis in habitu et in victu, et hoc nichilominus condictum fuit a
partibus et statutum, quod, si aliquam ecclesiam Premonstratensis ordinis intraverint
citra Rhenum versus Premonstrate, ibidem manentibus se in victu et habitu confirmabunt. Si que autem ecclesie in posterum a predictis vel sub predictis ecclesiis piantate
fuerint et fundate, prelati ipsarum ecclesiarum sub ipsa forma compositionis, qua prelati
alii, a prepositis sancte Marie Magdeburgensis et de Gratia Dei comprehendentur. Si
vero abbas vel capitulum Premonstratense ab ipsa compositione resilierint, tam prepositus sancte Marie Magdeburgensis quam omnes alii prepositi supradicti ac eorum ecclesie
ab omni subiectione et impetitione abbatis vel capitali Premonstratensis erunt in perpetuum penitus absoluti. Et si prepositus sancte Marie Magdeburgensis vel alii prelati
ecclesiarum supradictarum ab hac compositione resilierint, abbati et ordini Premonstratensi, sicut et alii abbates et professores eiusdem ordinis, erunt omnino subiecti et in
observandis ordinis uniformes. -- Hanc igitur compositionem initam de bona partium
voluntate auctoritate nostra et ex iniuncto nobis legationis officio confirmamus, et ne
super hoc in posterum aliqua possit dubietas suboriri, sigilli nostri impressione presentem paginam fecimus communiri.
Acta sunt hec Metis, iij Kalendas Decembris, anno incarnationis dominice m.cc.xxiiij.
Otto von Heinemann (Hrsg.): Codex diplomaticus Anhaltinus. Band 2. , Dessau 1875, Seite 58. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_2_058.jpg&oldid=- (Version vom 31.7.2018)
