468. Heinrich Vakendorp an Hildebrand Veckinchusen.
- Rev. St.-A. Orig. Pap. Adr.: An den erbaren wysen man Hildebrant Viklikhusen sal desse bref. Von H. V.
Hand: scheper Hinrych Woyckendorp
Vruntlike grut tovoren an den erbaren man Hildebrant Viklikhusen, wetet dat ik wol overquam van Bordeus to Bresteon und ik was los van alle den den umme des saterdages na lichtmyssen, und ik hope, of God wil und use leve vrouwe als ick anders nicht en wet und ik hope noch binnen 14 dage van Breston to segelende nades dat disse bref geschreven was wedder to Bordeus, went alle vrucht van den terwen de blef daer staende, went do de kopman daer quam van den terwen, do hadde ik wol hondert vate vins binen de boert und in acht dagen daerna moste ik segelen van daer, vente de koplude, de my hadden geladen, de ne wolde my nicht langer daer laten ligen, do moste ik mynen weert Ansaert Machenhaghen maken machtich und de lenede my so vele geldes, dat ik dat schip mede wedder van daer redde. Vent de Enghelschen, de my genomen hadden, de ne wolden my ghe[1] … geven na dat de kopman gekomen was man daer beworen, do hadden se my gegeven terwe vor myne vracht und daer so solde wy groet goet an verloren hebben, man dat God wil, dat moge wy nu kregen; daerumme so moet ik daer wedder segelen und beseen wat wy krygen mogen daer of God wil of to Boyone. Went van ik bin to Boyone, so mach ik et gaen van Boyonne binnen twen dagen to Bordeus. Und ik were gerne wedder by iu myt den schepe, woste ik wo ik et by brochte omme unser aller brofut. Went also helpe my God und onse leve vrouwe, ik ne wet nicht wol woer ik wol andoe omme onser aller profit, man, Got dank, ik mochte wol gelt onboren hebben ute den schepe man ik ne kan ju nicht senden by sulken luden daer ik mende, dat it seker by was. Darmede goeden nacht.
469. Bruchstück eines Briefes von Hildebrand Veckinchusen an seine Frau Margarethe.
- Rev. St.-A. Pap. Scheinbar Teil eines Entwurfes zu einem Briefe. Die Rückseite des Blattes weist in ungefähr gleichen Worten den Eingang des Briefes noch einmal auf. Eine Unterschrift fehlt. Nach der Handschrift dem H. V. zugeteilt.
Vrentlike grote vorghescreven, so wes ic gudes vormach to allen tyden leyve vrouwe Margrete. Ju gheleyve to weten also ic mynem heren Einghelbracht lesten rekenschop scref, dat was int jar 1410, 14 dage na meyedage[2], do was ic tachter van mynem heren 28 sl. 1 groten. Item darnest gaf ic
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 460. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_460.jpg&oldid=- (Version vom 31.7.2018)
