Wikisource

Seite:Briefwechsel Hildebrand Veckinchusen 334.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Wilhelm Stieda (Hrsg.): Briefwechsel Hildebrand Veckinchusen

Vier dage vor sunte Johannes dage[1] gaff ik her Wolter Oldage vor 10 ℔ gr. 89 mark myn 1 ferd. vor elk ℔ gr. 9 mark myn ½ ferd.

Item op pingesten[2] sante ic jue to Lubeke wart in Marquart Stuebben 2½ schippunt myn 4 markpunt wasses. Op desse tyt sante ic jue to Vlandern wart in Wolter Berndessone 2 stuecke, wouegen 2½ schippunt 2 markpunt wasses; elk schippunt wasses stont erstes kopes 34½ mark. Dyt was in dessen twen schepen steyt to ungelde myt in de schepe 5 ferd. summa in al dat dyt wass steyt 174 mark unde 7 scot.

Darnest 13 dage na pingesten[3] sante ik jue to Lubeke wart in Radeken Holsten 4 stuecke Lemborgesches wasses, de wougen 4 schippunt 5 lyspunt 7 markpunt. Dat schippunt stont 40 mark to ungelde, hir op myt int schep 1½ mark 2 scot.

Noch dede ik Radeken 15 Arlamsche gulden, stonden 15 mark, aldues so es de summa, dat ik jue hirinne gesant hebbe, 187 mark 11 schot.

Acht dage vor sunte Margreyten dage[4], do sante ik jue to Vlandern wart in Johan Wuelve 3 stuecke Lemborges wasses, de wouegen 3 scheppunt 3 lyspunt myn 5 markpunt; dat scheppunt stont 40 mark, to ungelde op dyt was myt int schep 5 ferd.; noch sante ik jue in dessen schepe by Kortmanne ½ 1000 Swetsches werkz, dat stont 10 mark 10 scot; noch 11 timmer schones werkz, elk timmer stont 3 mark ½ ferd.; noch in schipper Eerke 30 deker bocvelle, elk deker stont myt allen ungelde myt int schep 5 ferd. 8 ₰. Aldues so es de summa in al, beyde van wasse, van werke unde van bocvellen, dat ic jue in dessen twen schepen sante, 209 mark 1 ferd.

Op unser lesten vrouewen dach[5], gaff ik Peter van dem Water 25 ℔ gr. vor elk ℔ gr. 9 mark myn 1 ferd., summa es hirvan 219 mark myn 1 ferd.

8 dage nach Mertine[6] gaff ik her Wolter Oldage vor 15 ℔ gr. – 131 mark 1 ferd., vor elk ℔ gr. 9 mark myn 1 ferd.

Darnest 5 dage na wynnachten[7] gaff ik Clawes Vredelande unde Peter Berndessone vor 40 ℔ gr., vor elk ℔ gr. 9 mark myn 9 scot, summa es 345 mark.

Op sunte Antonies dach[8] gaff ik Willem Boucholte vor 15 ℔ gr. 132½ mark, von elk ℔ gr. 9 mark myn 4 scot.

Op dessen selven dach gaff ik Hinrike van dem Holte vor 15 ℔ gr. 131 mark 1 ferd., vor elk ℔ gr. 9 mark myn 1 ferd.

1400 int 21 jar op sunte Johannes dach[9] gaff ik her Wolter Oldage unde Peter van dem Water vor 16 ℔ gr., vor elk ℔ gr. 9 mark myn 1 ferd., summa 140 mark. Vortmer so rekene ik jue to brevegelde 5 ferd., doch es es wol mer, dat ik utgegeven hebbe. Aldues so es de summa, dat ik jue wedder gesant unde vor jue utgegeven hebbe, es tosamen 1946 mark ½ ferd.

Item de summa, de ik untfangen hebbe, es 1966 mark 22 schot myn 9 ₰.

Nue sla ik 1 summa jegen de ander, so behelde ik hir noch 20 mark 3 ferd. 21 ₰ unde 1 queade nobel. Item desse selven 20 mark 3 ferd. 21 ₰ hebbe ik gegeven Peter van dem Water unde ok de 2 grone Yperschen darto, wante he alle dink under my besat hadde; he meinde eine wile, ik solde eme wol

  1. ↑ 20. Juni.
  2. ↑ 26. Mai.
  3. ↑ 8. Juni.
  4. ↑ 6. Juli.
  5. ↑ 8. September.
  6. ↑ 18. November.
  7. ↑ 30. Dezember.
  8. ↑ 17. Januar.
  9. ↑ 24. Juni.
Empfohlene Zitierweise:
Briefwechsel Hildebrand Veckinchusen. Leipzig: S. Hirzel, 1921, Seite 88. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_334.jpg&oldid=- (Version vom 31.7.2018)
Von „https://de.wikisource.org/w/index.php?title=Seite:Briefwechsel_Hildebrand_Veckinchusen_334.jpg&oldid=3224686“