Seite:Briefwechsel Hildebrand Veckinchusen 267.jpg

	Wilhelm Stieda (Hrsg.): Briefwechsel Hildebrand Veckinchusen

allu^en, vigen unde ander dink, dat hebbe ik int beste gedaen. Ik wolde, dat et ju^e to provyte unde to willen mochte sin gewesen. Ik wel noch by deme allu^ene unde vigen doen alze ik hebbe daen by mynem egen allu^ene myt ik eyn antworde van ju^e hebbe desses breyves, weme ik et overgeven sal. Unse leyve here Got, de heft my myt Clawes Swarten wol beraden, de 20 ℔ kan ik nicht van eme krygen. Hedde ik ju^ewen willen weten, ik hedde so lange overgekoft, men es dat se my in twen dagen nicht en werden, ic kope se over, al solde ik men 6 mark nemen vort ℔ gr., wante et moet sin oftet brechte mer schaden in in anderen dingen.

Item Hildebrant, ik sende ju^e in Peter Johannessone in mynes broders tunne 3 lynen unde 3 kannepuas; kan ik de vigen to 2½ mark geven, so wel ik se fu^este vorkopen myt gi my ein antworde desses breyves scryven, wat ik darmede doen sal unde by den rosinen unde allu^ene scryvet my juwen willen myt den ersten. Item ju^ewe om Clawes hevet my 15 mark gegeven op de 20 ℔ gr. unde heft my bewyst 49 mark 8 scot unde meynt my dat ander ok in kort to geven.

243. Gerwin Marschede in Danzig an Hildebrand Veckinchusen in Brügge. – 1420 Mai 19.

Rev. St.-A. Orig. Adr.: An den erbaren man Hildebrant Veckinchu^esen to Bru^egge littera detur. In dorso von der Hand des Empfängers: 1420, 24 in den ouste.

Vru^entlike grote vorghescreven an mynen leven vru^ent. Hildebrant Veckinchu^esen weten sole gy, dat ik juwen breyff by Hu^ende wol vorstan hebbe, alzo dat gy gerne ju^ewe dink tor hant hedden, des gelove ik wol, leve Hildebrant. Ik wolde ju^e ok gerne gesant hebben, so wet et Got, dat ik es neine macht hebbe to vorkopen. De vigen mochte ik wol umme 2 mark gegeven hebben, alzo geven se ander lu^ede, so hedde gy jo to vele vorloren darumme leyt ik se do stan unde screff et ju^e to; unde gi scryven my noch nicht clarliken ju^ewen willen, ofte ik darumme geven sal ofte nicht ofte wo ik et mede holden sole. Seker, Hildebrant, hir geven lu^ede rosinen, de stan vor 20 scot alzo gu^et alzo men myt ogen sein sal, de hebben jo beter kop den gi ofte se moten vele vorleysen, wante van 100 ℔ in Flandern gewegen, maket men hir nicht mer den 3 stene, rekent dan wat gi vort ℔ gekrygen. Des allu^en hebbe ik 1 last vorkoft, den sten vor 1 mark; 60 mark solen my reyde werden, dat ander gelt op sunte Bartolomewes dach^[1]. Von den vigen hebben ik vorkoft by allentelen korven by 17 korve, dar hebbe ik von betalt vracht, puntgelt, ander ungelt mer en hebbe ik noch nein gelt van den dingen. Ik woldet gerne vorkopen, es begert neymant, men gi loven es my nicht, dat et alzo sy hir. Wete gi hir eymande ofte welle gi hir eymande senden, de et ju^e bet unde tru^eweliker kan vorkopen, dem wel ik et overgeven leyver dallinc den morgen. Myn broder sante my ok rosinen, mandelen, allu^en, ik wolde, dat he et to Bru^egge hedde gelaten. Hir stet et, es begert neymant,

---

1. 24. August

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 144. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_267.jpg&oldid=- (Version vom 31.7.2018)