Wilhelm Stieda (Hrsg.): Briefwechsel Hildebrand Veckinchusen | |
|
Tydeman so was dey 8 stucke wasses gerekent op 23 punt 8 sl. 1 gr. nyes geldes, Hirto so rekenne ick van den 22 sl. 9 gr. dat van al den wasse mer wort dan dat vorslagen wort. Darvan rekenne ick op desse 8 stucke 13 sl. 6 gr. aldus so es worden van den wasse tohope 24 ℔ 19 gr. Darop hevet Borgher untfangen myn 4 sl. 9 gr.
Item so was dey 4 stucke wasses vorslagen op 16 ℔ 15 sl. 6 gr. Hirto so komet to bate 9 sl. 3 gr. Dat mer golt dan dat vorslogen was. Aldus so es dey summa dar nu tohope 17 ℔ 4 sl. 9 d.
Item so was ick hirop tachter van ungelde 6 sl. 1 d. Hirto was ick tachter 22 sl. oldes geldes boven dey 39 ℔ gr. Dey maken in nyen gelde 19 sl. 3 d. Dyt gelt sla ick hiraf, so beholde ick blyvendes van den wasse 15 ℔ 19 sl. 7 d. dyt gelt beholde ick op dey 116½ punt syden, dey wy noch schuldych sin.
Item Tydeman op myn vorleys van den wasse es 65 marc; darop so hebbe gy tovorn 47 Ryns gulden unde 13 marc van den hermelen, dyt maket tohope 56 marc 16 d. Lub., aldus so blyve ick ju van den vorleysse 9 marc myn 16 d. Lub.
Item so moyt ick Borgher weddergeven wol 9 ℔ 11 sl. 8 d. dey to velle overkoft hevet mer dan hey untfangen hevet. Hey hevet overkoft 170 ℔ 17 sl. 4 d. darop so hevet hey quansus untfangen so alle dynch vorslagen es 161 ℔ 5 sl. 8 gr. Aldus so breket em dat van dey vorscreven stet.
Item ick hebbe sant by Segheboden den loper Tydeman Brekelvelden 15 punt 3 quartyr syden to 9 sl. elk punt, summa 7 ℔ 10 sl. 9 gr.
220. Herman Kerchoff aus Brügge an Hildebrand Veckinchusen in Lübeck. – 1419 Septbr. 29.
- Rev. St.-A. Orig. Pap. Adr.: An Hildebrant Vockinchusen to Lubeke. Von H. V. Hand: 1419, 2 dage vor sunte Lucas dach[1] 5 ℔ gr. Hinrych Schenckinch.
Vruntlike grote tovoren an mynen guden vrunt Hildebrant Vockinchusen. Dot wol gude vrunt und gevet Hinrych Schenking de ℔ gr. de gy my syt van Ater Klerkx[2] wegen, dar gy de cralle van koften. Gevet eme 7 mark Lub. van den ℔. Dot wol vrunt und betalt desse 5 ℔ gr., wente ich se Hinrych Schenking schuldich bin. Hirmede syt Gode bevalen. Gescreven to Brugge op sunte Mychaels dach 1419.
Betalt se 14 dage na den breve.
: Briefwechsel Hildebrand Veckinchusen. Leipzig: S. Hirzel, 1921, Seite 57. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_244.jpg&oldid=- (Version vom 31.7.2018)