Seite:Briefwechsel Hildebrand Veckinchusen 190.jpg

	Wilhelm Stieda (Hrsg.): Briefwechsel Hildebrand Veckinchusen

se reyde twye opgeslagen unde hadder 20 vorkoft to 5 marken myn 8 scot, ik konde er jo nicht geleveren, alzo Garnevelt wol wet, de Kondytsche sint to male qu^eat. Ik en wet wat luckes, dat ik hebbe in vortyden plach ik jo wat to vorkopen. Myn broder hevet my ok Konditsche gesant, ik hebber 1 nicht vorkoft, ik kan nicht 7½ mark krygen vort ℔ gr. Dyt du^encket my sere qu^eade kopenscop sin. Item Hildebrant lange Tinschen es hir nicht alle mansch gadinge, de moet man al holden op de Krakou^ewer unde op de van Ungeren unde dat wet Tydeman Swarte doch wol unde wan gi kopende werde, so kope gi eynerleye laken alto vele. Hedde gi my en dele Mestensche, Ku^emesche, Alstedesche, Oldenardesche, halve Edingesche, Bu^esche, Gertbergesche gesant vor dey Tinsche, ik hedder jo wat vorkoft und hedde ju^e reyde wedder gesant, wante alsu^elke laken deinen hir int lant. Lange van Tynen moten erer lude vorbeyden. Over 1 jare sente my de Trechtesche in den namen (Godes) – dat se hir noch stan, wy hadden er nu^e 1 terlink vorbutet an bly unde man enhevet nicht mer befu^enden den to 19 elen, den schaden wel he gebetert hebben. Wo wy dar noch mede varen solen, des wet ik nicht. Got sy myt ju^e. Gebeydet over my. Gescreven 2 dage na sunte Jakoppe.

Gerwin Marschede.

Item wes ik ju^e Lubeke wart gesant hebbe, dat vinde gi wol in anderen breyven; op dat leste sante ic ju^e dahen in twen schepen 42 mark lodych.

Item so wetet, dat Gernevelt unde ik ju^e unde Tydeman Swarten hebben geschepet in Albrecht van Borken 32 stu^ecke blyes, de wegen 137 sintener; elk sintener stet erstes kopes 3 mark myn 16 scot. Dyt bly hebbe wy genomen vor de 15 lanc van Tynen, de Tydeman unde ju^e tohorden, in dem schepe welle wy ju^e wol van dem ungelde scryven. Albrecht Ludekensone es wol vor de Wysel komen. Ju^e vorwu^endert, dat rys, rosinen, komel, vigen nicht van der hant en wel, my vorwu^endert ok, dat dat werk in Flandern nicht van der hant en wel. Wan men eynes nicht enbegert unde nicht slyten kan, so en wels neimant kopen. Juwe komel, rys, rosinen, es es noch fu^este unvorkoft, gi dorven nicht dencken, dat ik myn provit myt ju^ewen gelde do, welle gi es nicht geloven, vraget ju^ewen vrent Garnevelde, de su^et wol, wor et es.

172. Gerwin Marschede (in Danzig) an Hildebrand Veckinchusen in Brügge. – 1417 Aug. 27.

Rev. St.-A. Orig. Adr.: An den erbaren man Hildebrand       Veckinchu^esen to Bru^egge littera detur.

Item Hildebrant, gude vrent, 16 lange von Tynen moste ik vorkopen umme gelt unde noch moste ic darvan to borge doen 110 mark unde 223 mark reyde, dat laken vor 20 mark. Ik konde noch nou^ewe gelevereyren de 110 mark op wynachten. De 17 lange van Tinen hebbe ik wol 2 werff vorkoft to 20 marken. Ik kan nicht leveryren alzo Garnevelt wol su^et. Hir en stet nicht to gelde to komen, desen welle gi nicht geloven. Ik en wet nicht, wor ik noch

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 119. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_190.jpg&oldid=- (Version vom 31.7.2018)