|
Wilhelm Stieda (Hrsg.): Briefwechsel Hildebrand Veckinchusen |
|
|
gheschein. Ok so dunket uns wol, dat gy hir nicht weder en komen alse gy uns loveden, dar lude tomale bitter ume sin.
Item, Hildebrant, juwe Arrasch stan hir noch al 40 unvorkofft. De lude seggen, dat et ut der tijt sy, dat se my duzentwerve to henden(!). So en kan ik er nicht vorkopen.
Item so entfenck ik ghisteren, dat my Gherwin Marschede sante, 7 stucke sulvers, de hebben in Prutzen gheweghen 30 mark lodich; wat dat hir weghen wel, des en wet ik nicht. De mark stet in Prutzen 6½ mark Prusch unde de mark sal hir ghelden, alzet hir weghet: 6 mark min 2 sl. Also gaff ik de andern 2 stucke unde de woghen hir 8 mark min 2 lot.
Item juwe was hevet ghegholden to 19 mark. Et en solde jotonns nicht so vele ghelden.
Item ik hebbe de 60 ℔ 5 sl. grote overlank betalt, unde wy moten nu betalen de 24 ℔ grote de maken ok 150 mark.
Item de peper unde de ranghelake stet noch mest unvorkofft, ok 8 top rosine. Greteken dunket gut wesen, dat men alle dink stan laten. Dat dunket my ok gut wesen de mer, dat gy to hus komen, so moge gy sulven sein, wes gy vorkopen kunnen.
Item so hevet my Gherwin Marschede screven, dat ik ju seggen solde, off gy hir weren, dat he ju ghescheppet hevet dor den Sunt op 300 unde 70 mark unde noch so denket he ju mer to sendene.
Item, Hildebrant, hir en is noch nein werk to kope; was ghelt hir by 19 mark rede ghelt, mer dat mot suverlik sin. Item ik en hebbe neine syden mer vorkofft dan alse ik ju alrede over lank ghescreven hebbe. Hir en komet numment, de de doeke kopet; darumme so en kopen de vrowen ok neine syde.
Item Hans Crowel en hevet my noch ny ghesproken alse van deme huze. Anders en wet ik ju nich to scriven men ik vormode my, dat dar boden werden komene van den steden. Ok vormode ik my, dat de borch dar mit al affkome. Dit latet by ju bliven. Kunne gy profijt don to unser beder hoff, dar ramet des besten inne. Ghescreven 4 die in julio anno 17.
167. Gerwin Marschede (in Danzig) an Hildebrand Veckinchusen in Brügge, s. a. – 1417 Juli 13.
- Rev. St.-A. Orig. Adr.: An den erbaren man Hildebrant Veckinchusen to Bruegge littera detur.
Das Datum ergiebt sich aus dem Zusammenhange mit den anderen Briefen von 1417.
Vruntlike grote vorgescreven an mynen leven vrunt. Hildebrant Veckinchusen weten sole gi, dat Albrecht van Barken wol vor de Wysel komen es, Got sy gelovet. Item de Konditsche wellen umme 4½ mark nicht gelden, dar es al vorlues ane. Item de lange van Tinen stan noch al unvorkoft, de rosinen ok unde komel, rys, vigen, es begert nue tor tyt neimant. My stet noch gelt ute van juewen dingen, wat my darvan werden kan an gelde, dat wil ic jue an wasse unde an sulver beweren. Hit enstet nicht wol to reyden gelde to komen. Hirumme moet ik van den luden nemen, wat se
: Briefwechsel Hildebrand Veckinchusen. Leipzig: S. Hirzel, 1921, Seite 115. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_186.jpg&oldid=- (Version vom 31.7.2018)
