Wikisource

Seite:Briefwechsel Hildebrand Veckinchusen 178.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Wilhelm Stieda (Hrsg.): Briefwechsel Hildebrand Veckinchusen

vorbueten, so wil ik jue mer senden; ik wil jue ok 7 tunnen botteren senden, kan ik se to schepe krygen. Dar gaff ik 1 rot Ypersch vor. Got sy myt jue. Gescreven des anderen vrydages na pingesten.

Gerwin Marschede.


160. Gerwin Marschede (in Danzig) an Hildebrand Veckinchusen in Brügge. – 1417 Juni 15.

Rev. St.-A. Orig. Adr.: Dem erbaren manne Hildebrant Veckinchuesen to Bruegge littera detur. In dorso von der Hand des Empfängers: 1417, 2 in jullejus in Clauwes Worm 6000 werkes van 38 marcken. Noch in Smerbarde 11 tymmer hermelen, 21 timmer gancwerkes to 5 sl. gr.; 2 tymmer scones werkes; noch 7 tunnen boteren. 2 tymmer harwerkes gulden 19 sl. 8 gr. Dey boter golt to 16 sl. Von dessen 6000 werkes es worden overal 27 ℔ 10 sl. Dey hermelen sint sant to Enghelant wart.

Vruentlike grote vorgescreven an mynen leven vrunt. Hildebrant Veckinchusen juewen breyff gescreven 5 dage vor pingesten[1] hebbe ik wol vorstan, konde ik dar wol na doen, so were et to beter. Gy scryven my, dat ik juewer dink suender suement vorkopen sal, ik en hebbes neine macht alzo ik jue wol er gescreven hebbe, wante et es hir nue nicht, alzo et in vortyden plach to sin. Hirumme so hebben arme gesellen alzo ik unde myne geliken queat doent. In vortyden wan ein man eynen terlink laken wolde geven 4 ofte 5 mark myn den de lop darvan was, so mochte he sin reyde gelt an 1 stuenden opboren unde soueken sin provit mede, al wolde ik nue 1 terlink lank van Tinen 30 mark myn geven den de lop es, ik hedde neine macht to vorkopen umme reyde gelt. Des moge gi my wel geloven, my stet noch ute wol 250 mark van juwen laken, dat ik to mytvasten[2] unde op paschen[3] solde gehat hebben, ik kan 1 ₰ nicht van en krygen. Se sint nue wedder enwech getogen to Bresseloue wart unde laten my nasein, myt guede kan ik nicht krygen, myt queade ok nicht. Se boden my wol groff werk, darmede en kan ik jue to Luebeke wart nein gelt van maken, ik hebbe mannige unde moie genouech darumme gehat som myt guede som myt queade, alzo Hinryk Gamevelt wol wet unde de et schueldych sin, dat sint ryke lude, men se konen nein gelt maken van erer war, dat es de schelinge darane. Leive Hildebrant, wan et alzo were, dat ik vorkopen konde, ik sege an 1 cleine nicht an 1 terlink laken. Ik kofte vele leiver sulver den ik werk kofte, wan et my alzo vallen mochte, wan men de luede bidden sal, dat se ein dink kopen, so enschiit 1 manne nein dege darvan.

Hinryk Gamevelt hevet den market hir wol gesein, de mach et jue wol scryven, dat ik gerne juwe dink vorkofte, hedde ik es macht. Hinryk unde ik hadden 2 terlinge lanc van Tynen wol twie unde ok mer opgeslagen unde verboetet an werk, men wy konden nicht geleveryren; de laken sint sere

  1. ↑ 26. Mai.
  2. ↑ 21. März.
  3. ↑ 11. April.
Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 107. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_178.jpg&oldid=- (Version vom 31.7.2018)
Von „https://de.wikisource.org/w/index.php?title=Seite:Briefwechsel_Hildebrand_Veckinchusen_178.jpg&oldid=3224532“