Seite:Briefwechsel Hildebrand Veckinchusen 169.jpg

	Wilhelm Stieda (Hrsg.): Briefwechsel Hildebrand Veckinchusen

1 naghel. Dey summa in ghelde es 33 ℔ 19 sl. gr.; overwyst dyt ghelt Stasin.

Dyt was stont altomalle to rekent dey wychte 5 scheppunt 9 lyspunt 1 marcpunt; dyt stont 183 marc. Dat golt 52 marc 1 quartyr. Ick vorleys an den wasse 2½ naghel.

Item van Marscheden dat stucke sulvers unde 2000 Lettouwes werkes hebbe ick untfanghen, dey 2000 werkes hebben golden 12 ℔ 10 sl. gr.

Vru^entlike grote vorgescreven an mynen leiven vrunt. Hillebrand Veckinchusen ju^e geleive to weten, dat ik ju^e sende in dem namen Godes to Lubeke wart in Ludeken Detmer 2 stro darinne 13 stu^ecke wasses, wegen 3 scheppunt, 2 lyspunt myn 3 markpunt. Dat scheppunt stet erstes kopes 50½ mark, to wegen, linen, ryven, puntgelt 13 scot., summa es 156½ mark 5½ sl.

Item so sende ik ju^e to Flanderen wart in Albrecht van Borken 1 stro, darinne 8 stu^ecke wasses, de wegen 1½ scheppunt, dat scheppunt stet 51½ mark; to ungelde hirop myt int schep ½ mark, summa 77 mark 3 fr. Item in schipper Albrecht van Borken 2 stro, darinne 15 stu^ecke, wegen 2½ scheppunt, 1½ lyspunt 1 markpunt. Dat scheppunt stet erstes kopes 52 mark myn 8 scot., to ungelde 20 schot., summa hirvan myt ungelde 134 mark 2 schill.

Item in Albrecht Ludekenssone 1 stu^ecke, weget 27½ lyspunt, dat scheppunt stet 52 mark,, to ungelde 31 sl., summa hirvan es 71 mark 42 schill.

Item noch in Albrecht Ludekenssone in myns broder tunnen 2000 Lettouwessches werkz, dat 1000 stet 47½ mark, to ungelde hirop 26 scot., summa 96 mark 2 scot.

Item noch in desser tunne 1 stu^ecke sulvers weget 7 mark 1 scot.; de mark stet 6 mark 10½ scot. Summa hirvan es 45 mark 8 scot. myn 3 ₰. Noch hebbe gi hir 1 kannepu^eas inne unde 1 line umme de tunne.

Item so sende ik ju^e in Hannneke Troste 12 tunnen 1 mese hirinne sint 50 sentener lebenter kopper; de sentener stet erstes kopes 4 mark, to wegen dregen van elkem sentener 1 sl., vor de tunnen 36 sl., to toslan to schepen van elken sentener 1 sl., to schepe to voren ½ fr., to puntgelde 1 mark, summa des ungeldes 3 mark 9 scot. 1 sl. Summa in al dat dyt kopper stet 203 mark 9 scot. 1 schill.

Aldu^es so es de summa in al dat ik ju^e nu^e sende to Lubeke wart unde to Flandern wart, in al 784 mark 21 scot. 3 ₰.

Item so gaff ik Hanneken Smede 7½ mark 2 scot.

Item Hildebrant so stet my noch vele geldes ute van ju^ewen laken. Item so es my noch Johan Byler schuldych de 215½ mark. He bu^et my werk unde kopper darvor to geven, wente hir stet to male ovel gelt to krygen. Men ik hedde leyver dat reyde gelt. Hirumme so moet ik em noch ein lu^ettik stonden unde gevet he my dat gelt, so wil ik et ju^e an sulver ofte an wasse to Lubeke wart senden, so ik erste kan. Item de rys es noch unvorkoft op 2 vate na, de sint vorkoft an lentelen stenen. Item so hebbe ik darmede gefu^enden 2 vate, dar es water in gekomen alzo dat dar wol by 6 stenen ane

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 98. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_169.jpg&oldid=- (Version vom 31.7.2018)