|
Wilhelm Stieda (Hrsg.): Briefwechsel Hildebrand Veckinchusen |
|
|
97 ℔ 15 sl. 9 gr. Summe van al, dat myn broder untfangen heft, also vorscreven es, 340 ℔ 19 sl. 2½ gr.[1]
Tegen desse vorscreven 340 ℔ 19 sl. 2½ gr. heft myn broder weder utgeven also nascreven steyt. Int eyrst Gerd van Ballegen 400 gulden summe 55 ℔ gr. Item dem Kuoper vor 400 cronen, summe 68 ℔ 15 sl. gr. summe van al 123 ℔ 15 sl. gr. Item 1 sward laken, stont 2 ℔ 4 sl. gr. Item 1 rot Tomas 31 sl. gr. Item van Niclawes Huobener 18 sl. 4 gr. Item 7 ellen wandes, stont 24 sl. gr. Item 20 ellen 1 quartyr by Slyper 2 ℔ 11 sl. myn 10 gr. Item by Slyper 2 ℔ 6 gr. Item van Hynric van dem Tornne 30 gulden, summe 4 ℔ 3½ sl. gr. Item ½ tunnen bottern 13 sl. gr. Item van Tyten wegen 7 ℔ 13 sl., summe van al dessen cleynen porsselen 22 ℔ 15 sl. 11 gr. Item noch vor my utgeven 1 mutze 4½ sl. gr., item vor vygen, rosynen 7½ sl. gr. Item rys, dadelen 3 sl. 8 gr.; item olye 4 sl. 8 gr. vor kumppost 2½ sl., summe van dessen 23 sl. 8 gr. Item untfangen an ryse 13 ℔ myn 1 gr., item hadde hey vor Kornelys utgeven 3 ℔ 15 sl. gr., item Lyseken wand ghesand vor 25 sl. 5 gr. Summe van al, dat hey weder vor my utgeven hevet, over al, also vorscreven steyt, 165 ℔ 15 sl. 11 gr. dyt afslagen tegen dey vorscreven 340 ℔ 19 sl. 2½ gr. aldus blyvet my myn[2] hirvan schuldych 175 ℔ 3 sl. 3½ gr.
Item tegen desse vorscreven 175 ℔ 3 sl. 3½ gr. sy ic mynen broder weder schuldych dat em propper angeyt. Int eyrste van Tuoten wegen 70 marc 4 sl. Lub. Item van Swartten wegen 73 marc 3½ sl. Lub. Item vor 1 Ypersch laken 31½ marc Lub., summe van dessen 3 porsselen 183 marc 3½ sl., dey rekene ic op Vlamesches gelt vor 29½ ℔ gr., dyt afslagen an den vorscreven 175 ℔ 3 sl. 3½ gr. so blyvet my myn broder noch schuldych van dessen vorscreven rekenscap blyvendes 145 ℔ 13 sl. 3½ gr. Darto blyvet hey my ok 4½ ℔ gr. van Hans van der Woesten wegen.
Aldus blyvet hey my hyrvan schuldych 150 ℔ 3 sl. 3½ gr. Altyt to guder rekenscap hebbe gy icht mer vor my utgeven send der rekenscap, dat scryvet my hyran af. Kunne gy my icht vorder underwysen dat gy myn oder mer untfangen eder utgeven hebben, dat sal al staen to guder rekenscap. Got wet wol, dat ic nicht men recht und vruntscap begere und kunnen wy uns umme desse rekenscap nicht vordregen, dat duncket my wunderlyk ghenoch wesen und wy kunnen ok nummer op beyden syden to vreden komen, er wy al unse rekenscap slechtet und to eynde brocht hebben. Got geve eynen guden eynde, dat heft grote unvruntscap und schaden inbrocht, dat wy der rekenscap nicht eyns syn ghewesen.
Item broder aldus komet dey schelynge to, gy scryven my af in juwer rekenscap dat ic der selscap schuldych sy 864 marc 11½ sl. und ic sy der selscap nicht schuldych dan 345 marc 2 sl. 2 ₰. Dyt schelt alreyde 519 marc 9 sl. 4 ₰, dyt es eyn grot gheschel. Darnest scryve gy my af van Steynhuse wegen by 12 ℔ gr., dey scryvet der selscap af und my bysunder nicht. Item gy wellen my bysunder afscryven, wes gy Boden van Stockam und
: Briefwechsel Hildebrand Veckinchusen. Leipzig: S. Hirzel, 1921, Seite 74. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_145.jpg&oldid=- (Version vom 31.7.2018)
