Seite:Briefwechsel Hildebrand Veckinchusen 143.jpg

	Wilhelm Stieda (Hrsg.): Briefwechsel Hildebrand Veckinchusen

Vrentlike grote vorgescreven an mynen leven vrent. Hildebrant Vockinchusen weten sole gi, dat ik sende an mynen broder in Albrechte von Barken 1 tunne, dar es inne 55 timmer bogenwerkz; elk timmer stet 11 ferdinge myn 1 scot. Van dessen werke sole gi untfan op de 3 terlinge 20 timmer unde 2 timmer gu^oder scheveniss, de sint an 1 timmer bogenwerkz gebu^onden, de stan 5 ferd., to ungelde hirop 8½ sl., summa 55½ mark 3½ schill.

Vortmer so hebbe gi in desser tunne, dat ju^o allene to hort op de Aresche 30 timmer Vinsches schone werkz, dat timmer stet 3½ mark 1 scot erstes kopes, summa 6 mark 1 ferd., op to ungelde, puntgelt, persen, to schepe to bringen tor tunne 3 ferd., summa 107 mark.

Item so sende ik ju^o in Clawes Swarten tunne in schepper Rau^oterde 1 stu^ocke sulvers, weget 12½ mark 1 quart, de mark stet 6 mark 13 sl., summa hirvan es 87 mark 18½ scot. Summa dat ik ju^o nu^o sende es tosamen 195 mark myn 5½ scot.

Vortmer so hebbe ic ju^owe Aresche myt rade Clawes Swarten vorbu^otet vor 70 sentener lebenter koper. Desses kopers hebbe ic untfangen 38 sintener 32 punt, dat ander sal ik untfangen 8 dage na sunte Johannes dage^[1]. Item desse 38 sintener 32 punt hebbe ic geschepet in Johan Melschop to Engelant wart an Kort Swarten. Deme moge gy scryven, wes he ju^o mede doen sal; wan my dat ander wert, so wil ik et em ok senden. De anderen 100 Aress stan noch unvorkoft, 50 hebbe ik er to Torne gesant, men bu^ot my 6 mark vor dat stu^ocke, de ik hir hebbe unde noch nein reyde gelt. Hir en komen noch ter tyt neine koplude, de op sunte Johannes solden kopen in den market to Breslou^o unde alzo vro als sunte Johannes dach vor es, so moten de Aressche stan op den wynter. Hirumme so dede ik et int beste, dat ik er 50 vorbu^otede. Got geve, dat et int beste valle. Anders so en wet ic ju^o nu^o nicht mer to scryven den Got late ju^o gesunt. Gescreven op pingest avent 1416 jar.

Item so en wet ic ju^o neine tydinge to scryven van laken. Alstedesche laken sint hir nu^o gegeven vor 16 mark 16 scot dat par ok myn ok 2 scot mer, Ku^omesche by 13 mark, Mestensche by 11 mark 1 ferd., ok 11½ mark op dat hogeste, Konditsche 5 mark 8 scot, Gertbergessche 9 mark, Leydesche, Amsterdamesche 18 mark, gude Kolsoster 20 mark ok 22 mark ok 23 mark, som myn som mer, darna de lude sint unde ok de war, de men dar annemen moet unde ok darna dat de borch es. Et en es hir nicht alzo als et plach, et es alz vorkart in korten tyden wol alzo ser als et ju^o mochte schein in 1 lande, des loven vele lude nicht.

Gerwin Marschede.

120. Sivert Veckinhusen in Köln an Hildebrand Veckinhusen in Brügge. – 1416 Juni 27.

Rev. St.-A. Orig. Adr.: An Hyldebrand Veckynchusen to Bru^ogge littera detur. Dazu von H. Veck.s Hand 1416, 12 in jullejus.

---

1. 3. Juli.

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 72. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_143.jpg&oldid=- (Version vom 31.7.2018)