Wikisource

Seite:Briefwechsel Hildebrand Veckinchusen 020.jpg

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

op to allen ungelde myt op de wage 9 schill. Hirut vorkoft 38½ sten myn ½ punt pepers, elk sten golt 3 mark myn 7½ scot. Summa to hope van dessen peper blivendes geldes es 103 mark 6½ scot unde 6 ₰. Darnest op suente Jakoppe[1] untfenk ik ut Cleys Vredelande 10 bote wins, de hebben gekostet optoschepen to kellerhuer unde to fuellewine tohope 5 mark myn 7 sl. Item so hebbe ic elk vat wins gerekent op 8 mark. Aldues so es de summa hirvan blivendes geldes to hope 75 mark unde 7 schill. Noch untfangen ut Reineken Wernemanne 1 pach, dat kostede to allen ungelde 14 scot unde 1 schill. Hirut vorkoft 30 Vallentinsche, elk vor 4 mark myn 2 schot. Summa hir van dessen packe blivendes geldes 117 mark myn 6 schill. Noch untfangen ut Rassekoppe unde ut Vrederyk Bertoldessone 2 terlinge, de kosteden myt allen ungelde 14 scot. Hirut vorkoft unde unvorkoft 30 Kuemesche, elk rekene ic vor 6 mark; noch 2 gesneden Mabouewesche rekene ic vor 7 mark. Aldues so es de summa van dessen twen terlingen blivendes geldes wan se alzo vele gelden alzo ik se gerekent hebbe 186 mark unde 10 scot.

Aldues so es de summa in al dat ic untfangen hebbe myt den 404 mark unde 4 scot, de ik hir behelt, do ic jue ok rekenscap screff – 1389 mark unde 21 scot myn 2 ₰.

1400 unde 9, 2 dage vor unses heren hemmelvart[2] do untfenk ik ut Gert van Ummen 18 Edingesche, elk golt 5 mark, besuender 3 sin gerekent dat stuecke vor 4 mark. Vorkoft ½ Mabouewesch ton slachdoke, dat golt 8½ fr. Summa hirvan 89 mark unde ½ fr.

Op desse suelve tyt untfangen ut Peter van Ruessen 22 Mestensche, elk golt overhovet som myn soen mer 5 mark myn 9 scot. Vorkoft 2 Konditsche vor 4½ mark. Summa hirvan 106 mark unde 1 fr.

Op desse suelve tyt ut Johan van Pingesten 14 Tornoldesche, elk golt 7 mark unde 2½ scot unde ½ Kondisch, golt 9 fr. Summa hirvan to hope es 100 mark unde 7 fr. myn 1 scot.

Item so kosteden desse 3 terlinge to puntgelde, palgelt, optoschepen, to keller huer, de slachdoke totosteken 3 mark. Aldues so blivet de summa tohope blivendes geldes van dessen dren terlingen 224 mark unde 2 scot. Noch untfangen to bate vor den rocgen in Detmer van Ingeren 18 mark.

Op desse suelve tyt untfenk ik ut Iohan Wuelve 15 vate myt rosinen, de kosteden to puentgelde unde to anderen ungelde myt in den keller 2 mark unde 12 scot.

1400 in den 7 jare 5 dage vor pingesten[3] do sante ik Hildebrant Vockinchuesen to Vlanderen wart in schepper …[4] 1 tunne, dar was inne 5500 unde 1½ timmer schonesches werkes; dat 1000 stont erstes kopes 30 mark, to ungelde hirop 11 scot myn 6 ₰. Summa van desser tunne myt int schep 167 mark unde 16 schill. Darnest 9 dage na pingesten[5] kofte wy van Tydeken van der Heyde 13 scheppunt unde 7 lyspunt talges Rygescher wichte; dat scheppunt stont myt allen ungelde myt int Swen 3 mark unde 9 scot. Summa hirvan 44 mark 7 scot unde 10 ₰.

  1. ↑ 25. Juli.
  2. ↑ 14. Mai.
  3. ↑ 10. Mai.
  4. ↑ Der Platz für den Namen ist freigelassen.
  5. ↑ 24. Mai.
Empfohlene Zitierweise:
Briefwechsel Hildebrand Veckinchusen, Seite 20. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_020.jpg&oldid=- (Version vom 31.7.2018)
Von „https://de.wikisource.org/w/index.php?title=Seite:Briefwechsel_Hildebrand_Veckinchusen_020.jpg&oldid=3224376“