Wikisource

Seite:Briefwechsel Hildebrand Veckinchusen 019.jpg

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

Vrentlike grote vorgescreven. Hildebrant, guede vrent juewe geleve to wetende, dat ic jue nue rekenscap scryve.

1400 int 7 jar 14 dage na paschen[1] do behelt ik hir int lant, dat in unse selscap horde 404 mark unde 4 scot. Op desse suelve (tyt) untfenck ic ut Johannes Allerdessone 1 terlinc; hirop genk to allen ungelde 18½ schill. Hirut vorkoft 19 gekruempene unde geschorene, de helden[WS 1] lank 4½ unde 4 ele, elk 100 golt overhovet 18 mark unde 18 scot; 1 Kamerikes ton slachdoke golt 6 mark unde ½ fr. Summa blivendes geldes van dessen terlinge es tohope 90 mark 20 scot unde 4 ₰.

Op desse suelve tyt ut Elwer van Bremen 1 terlink. Hir genk op to allen ungelde 9 schot. Hirut vorkoft 28 Gertbergesche, elk vor 4 mark unde 1 fr, unde 1 Dornsch gesneden ton slachdoke, golt 6 mark unde ½ fr. Summa blivendes geldes von dessen terlinge es tohope 128 mark myn 1 fr.

Noch op desse selve tyt 1 terlinc; dar genk op to allen ungelde 9 scot. Hirut vorkoft 17½ Akesch, elk golt overhovet 6½ mark unde 4½ scot, noch 1 Konditsch, golt 2 mark unde 4 scot. Summa blivendes geldes van dessen terlinge es 128 mark 8 scot myn 7 ₰.

Darnest 8 dage vor sunte Michgele[2] do untfenk ik ut schepper Schuelten 18 tunnen ryses, de koste myt allen ungelde myt op de wage 1 fr. Hirut vorkoft 241 stene unde 5 punt ryses, elk sten golt 1 fr. Summa blivendes geldes van dessen ryse es tohope 60 mark unde 29 ₰.

Item op desse selve tyt untfenk ik ut 1 schepe van Schone 11 tunnen myt dadelen; darvan gaf ic to allen ungelde vracht winegelt unde ander ungelt to Schone, summa tohope 16 scot unde 22 ₰. Hirut vorkoft 82 stene unde 10½ punt dadelen, elk sten golt overhovet 15 scot myn 4½ ₰. Summa blivendes geldes es to hope van dessen dadelen 50 mark 4 scot myn 1 ₰.

Item so untfenk ic ut Albrechtes terlinge van Senden 1 Mechgele unde ½ laken myt 1 jodenvarwe. Desse 2 stuecke gulden tohope 20½ mark.

Item alze ic jue wol er gescreven hebbe, dat ic her Hartwich Stenhuese molt sante tor Ryge wart; vor dit molt sante he my wedder 2 scheppunt 3 markpunt wasses Rygescher wichte unde ic gaf em ½ mark to dat he mer utgaf vort was den em vort molt wart. Noch gaf ic hirvor to ungelde van Ryge myt hir 8 scot. Dit was sante ic juewen broder to Luebeke wart. Hirvor sante he my 2 leste heringes unde 1 kip Bergervissches. Desse herynk kostede to vracht unde to allen ungelde 21 scot. Summa tohope van al dessen ungelde van Ryge hir unde wedder van Lubeke myt hir myt ½ mark, de ik her Hartwige to gaf 1½ mark unde 5 scot. Item de vysch golt 11½ mark unde 2 scot. De herink golt tohope 26½ mark. Aldues soes de summa tohope in al dat ic wedder untfangen hebbe vor dat vorgescreven molt 36 mark unde 9 scot.

Item 1400 int 8 jar 8 dage na paschen[3] do untfenk ik ut Mychgele van der Borch unde ut schepper Tameken 2 vate myt peper. Hir genk

  1. ↑ 10. April.
  2. ↑ 22. September.
  3. ↑ 22. April.

Anmerkungen (Wikisource)

  1. ↑ Korrigiert nach Berichtigungen
Empfohlene Zitierweise:
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 19. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_019.jpg&oldid=- (Version vom 31.7.2018)
Von „https://de.wikisource.org/w/index.php?title=Seite:Briefwechsel_Hildebrand_Veckinchusen_019.jpg&oldid=3224375“