und myn swert und 1 par sporen und Zyvert, ok ereme sone, 1 nobelen.
Item geve ik noch myner modderen Ryxzen 6 stolkusschen.
Item sal men laten maken 1 alven und mynen 2 vleykeden kakenen und de sal men geven in de kerken und myne besten hantdwelen ghewracht.
Item so geve ich 2 corpurale met twen voderen in der Oldestloschen capellen.
Item so geve ic myner suster Greteken, myns broder Hildebrandes wive, 1 noblen.
Item geve ic mynen broder Johennes Vockinchusen 1 suverlik bok, dat geyt an „quam brevis finitur missa et in urbis et in terre nominis etc.“ und ok 1 ander bok, dat geyt an „in dey tabernaculo“.
Item so es my schuldich her Johan Wanchusen 5 marc Ryges; hirvan geve ik 1 marc Riges und her Nicolaus Swerys 1 Ryges capellen to Ryge.
In erste es my schuldich myn Zyvert 40 marc Lub.
Item so hebbe ic noch an reyden gelde 12 nobelen Engelsch.
Item so hebbe ic noch 1 gut breviarium dat kostede my 7 nobelen Enghelsch, also nu is.
Item so hebbe ic noch eyn ander cleyne breviarium, dat kostede my 3 nobelen also nu is.
Item so hebbe ic noch eyn passionale novum[1], dat kostede my 4 noblen Enghelsch.
Item so hebbe ic noch 1 suverlik bok oppe perment gescreven und sint sermones de apostoli Pauli beati super evangelia dotalia[1], dat kostede my 2 noblen Enghelsch also nu is.
Item so hebbe ic noch 1 biblen, de is werdich by 10 marc Lub.
Item so hebbe noch ander suverlike boke und ok hebbe ic noch 4 sexterne supra passione domini de kosteden by 10 sl. Lub. und ok ander 4 grote sexternen, de kosteden by 8 sl.
Item so hebbe ic 1 dyrnnale, dat kostede my 1 marc Lub. und 4 sl.
Item so hebbe ic noch hanschen wol op 1 marc Lub.
Item so hebbe ic 1 bok in gramatica, dat hort her Johean van Reven edder[1] anders genenet, wessek geboren und wonaftich to Darpte, dyt leynde hey my, dat sal men eme weder senden, is dat her Johan van Hervorde dat nicht betalet hevet van myner wegen.
Item hebbe her Johan Herwarde gescreven, dat hey dat eme betalen sal, dat is[1] werdyvh by 1 marc Ryghes.
Item so sal men geven de blawen sartze in de ere Godes.
Item wes hir mer over blivet, dat sal men in ere Godes geven, dar dat mynen vormunden best dunket syn, anno domini 1400 und 6 jar, 8 dage vor ascencionis domini.
Briefwechsel Hildebrand Veckinchusen, Seite 10. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_010.jpg&oldid=- (Version vom 31.7.2018)
