2 jar lank 1 vickerrye und dat gelt gaf sey ut und my wart van der vickerye by 14 marc Ryghesch und desse 14 Ryghesch sal men ere wedergeven, sey plach to wonende by sunte Johannes Kerkhove.
Item dat myssegewende, dat ik hebbe, dat sal men senden to Darpte in unser leyven vrowen kerken und dat hadde egehort Johannes Vockinchuss und dat dede my syn sone Zergus.
Item sal men geven Hilbrant Ongevelde 4 nobelen edder van mynen cleyderen edder ander dingen, dat also vele dregen mach also 4 nobelen und hey vart by Hilbrande an den Bokele to Darpte.
Item myner suster Deduken 4 dochteren 2 Nobelen Engelsch.
Item geve ic Johannes Kanenghel, de plach boven deme rathuse to wonende to Darpte, de de rente plach uttogevende to Gobelen vickirie van der Enepen 2 nobelen edder synen retken erven. Item so geve ic Johennes Scherer, de to Darpte vonet, boven deme rathuse 1 nobelen. Summa 61 marc[1].
Item so geve ic mynen broder Zyverde myne besten badecappen met den gronen streypen unde mynen swarten reymen meyt sylvere beslagen met vlackmak gemaket und 2 tynnen vlaschen und 2 grote stalen vlaschen und 1 hellem wat to bernende und 1 groten noppensack und 1 hovetpole, darto 4 marc Lub.
Item so geve ik to Rostoke 5 marc Lub. dat sal men senden an magister Hinric Ribbe. Item so geve ic Ludeken Muelen myn lichtblauen kerle eynwachtych.
Item so geve ic her Johan Rostiken, de nu provest wart geviet to paschen und hadde 1 scriver gewesen, mynen satgronen kerle met roden werke gevodert.
Item so geve ic her Johan Swager mynen grauwen hoken und darto myne graue kogele. Item so geve ic magister Wulfardz Scaden mynen copendium in theologica veritate[2] und synem broder magister Johan Scaden geve ic 1 bok, dat geyt relygio nova[2] immaculata und 1 cleyne bock over canones, op perment gescreven.
Item geve ik mynen ome her Johan Wonckhusen to Ryge vickarius 1 bok over de 10 bode Godes und de 7 dotsunte und ok ander suverlike dink.
Item geve ik her Johan van Santon mounick to Ru(gis) welde[2] mynen grauven wepen und 1 marc Lub.
Item so geve ik her Bernt Houvet mynen lange s(warten) grauwen kerle.
Item so geve ik her Hinric Holthousen eyn vick(arie)[2] in unser leyven vrowen kerken to Lubeke 1 marc Lubisch.
Item geve ic myner suster Lyseken myn beste ghevede hantwelen und myne crude laden und ere dotker Greyteken 1 ander hantwelen oc ghevetdet und myne votkyste und Hildebrande ereme sone myne schipkisten
Briefwechsel Hildebrand Veckinchusen, Seite 9. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_009.jpg&oldid=- (Version vom 31.7.2018)
