It. Johan van Elch, de die duech bereide 4 m.
It. den speirluden van Oepen, die mit unsen herren intgein den kuynnynck reeden, 10 m. et pro expensis.
It. den trunperen dů eyn m.
It. eyme viedeleyr eyn m.
It. deme herre van Kaldiitz zů eynre vruntschaff, dat he unsen herren by den keysser gehulpen hadde, vůnfzich gulden, die coemen up anderhalff hůndert ind 25 m.
It. heren Peter van Wartenburg des keyssers hoefmeyster ouch van eynre vrůntschaff 25 guld., val. 871/2 m.
It. des kůyninges canceleyr heren Peter van unsen groissen privilegium 250 gulden val. 875 m.
It. des canceleyrs wiiff, dat sii halp dedingen dar en tusschen 20 gulden val. 70 m.
It. heren Peters canceleyrs schoeler van schriven 6 gulden val. 21 m.
It. heren Peter mit den synen, die vur quamen dry dage, ee syn wiiff quam unse privileigium mit den nůwen punten ze maichen ind ze schriven, verzerde 39 m. ind 4 d. ind syn pert 12 m.
It. geloefden unse herren heren Peter ind syme wiive zů Borschiit guetlich ze doen, die wåren då eynen ganzen dagh ind hadden 15 m. 12 d.
It. des keyssers canceleren van deme brieve des perttols zu besiegelen 25 guld. val. 871/2 m.
It. heren Peter canceleir, dat he halp dar zů dedingen ind den brieff schrieven 6 guld. valent 21 m.
It. Wynkin ze zeringen eynen gulden, dat he van Bunne mit heren Peter upvůer den brief besiegelt ze uvergen.
It. van erdenen kannen, då man mede geschenckt hadde 51/2 m. ind 6 d.
It. van den wiinen, die man deme kůynnynge gaff, uyszetrecken ind widder in eynen andere kelre ze doen 4 m.
It. hůndert schutzen mit den, die in gasthůis wåren umb der gewåpeder lude wille, ind die des keyssers liiff hueten, ind dubelen loen der schutzemeister ind des banierdregers, ind dat eyn deyll der schutzer langer by deme keysser wåren ind die andere int gasthůys kurter ind die up den sall vůnff dage drup loegen coempt ze samen up 500 ind 35 m. overmitz die schutzemeistere gerechent.
Josef Laurent: Aachener Stadtrechnungen aus dem XIV. Jahrhundert. Aachen: P. Kaatzer's Verlag, 1866, Seite 248. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Aachener_Stadtrechnungen_aus_dem_XIV._Jahrhundert.djvu/254&oldid=- (Version vom 31.7.2018)
