Owe was eren sich ellendet von tútschen landen

Textdaten
Autor: Walther von der Vogelweide
Illustrator: {{{ILLUSTRATOR}}}
Titel: Owe was eren sich ellendet von tútschen landen
Untertitel:
aus: UB Heidelberg 125v und UB Heidelberg 126r
Herausgeber:
Auflage:
Entstehungsdatum: 12. Jahrhundert
Erscheinungsdatum: Vorlage:none
Verlag: Vorlage:none
Drucker: {{{DRUCKER}}}
Erscheinungsort:
Übersetzer:
Originaltitel:
Originalsubtitel:
Originalherkunft:
Quelle: UB Heidelberg und UB Heidelberg
Kurzbeschreibung:
Mit aufgelösten Lettern. Vergleiche auch Owe was eren ſich ellendet vō tútſchē landē in Originallettern.
Wikipedia-logo-v2.svg Artikel in der Wikipedia
Eintrag in der GND: {{{GND}}}
Bild
[[Bild:|250px]]
Bearbeitungsstand
korrigiert
Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:|Indexseite]]

[125v]

Owe was eren sich ellendet von tútschen landen·
witze vnd manheit dar zv̊ silber vnd golt·
swer dv́ beidú hat der belibet mit schanden·
wie den vergat des himelschen keisers solt·
dem sint die engel noch die frowen holt·
arm man ze der welte vnd wider got·
wie der fúrhten mac ir beider spot·

Es kvmt ein wint dc wissent sicherliche·
da von wir hoͤren beide singen vnd sagen·
der sol mit grimme ervarn ellú kv́nigriche·
dc hoͤre ich waller vnd pilgerine klagen·
bǒme túrne ligent vor im zerslagen·
starken lúten weiet er dv́ hǒbet abe·
nv svln wir fliehen hin zegottes [126r] grabe·

Owe wir mvͤssigen lúte wie sin wir versessen·
zwischen zwein froͤiden nider an die iamerlichen stat·
aller arbeit heten wir vergessen·
do vns der kvrze svmer sin gesinde wesen bat·
der brahte vns varnde blv̊men vnd blat·
do trǒg vns der kvrze vogel sanc·
wol im der ie nah steten froͤiden ranc·

We geschehe der wise die wir mit den grillen svngen·
do wir vns solten warnen gegen des kalten winters zit·
dc wir vil tvmben mit der ameissen niht rungen·
dv́ nv vil werdekliche bi ir arbeiten lit·
dc wc ie der welte strit·
tôrn schvlten ie der wisen rat·
wan siht wol dort swer hie gelǒgen hat·