Nv wil aber d̾ kleinē vogele ſingen

NV wil aber d̾ kleinē vogele ſingen·
dc iſt war·
hie nie niht langer ſin·
alſo wil d̾ leide wīter twingē
ellú iar·
lieht̾ blv̊men ſchin·
ich enkan ī dem walde niht
ein gruͤnes krenzel vindē·
wa mitte ſol min froͤiden troſt
ir reides har bewindē·
d̾ mā ſchoͤne bi der gvͤte giht·

Do min ǒgē ſi alrerſt erſahē·
wol d̾ zit·
dc wc min gemach·
do ſas ich ir ſvnd̾ hůte nahē·
dc mir ſit
niem̾ mer geſchach·
wie ſi hieſſe des vꝛagte ich·
do iach ſi balde ſchone·
ſi ſeite ſo ie lēger ſo
ie lieb̾ got ir lone·
alſo hat ſi mir genēnet ſich·

E dc ſi and̾s iemē lieb̾ were·
dāne mir·
ſanfter wer ich tot·
ich han ſus der^{[WS 1]} h̾ze lāgen^{[WS 2]} ſw̾e·
vil vō ir·
vn̄ d̾ ſendē not·
ich bin ir ie leng̾ ſo
ie leider voꝛ genēnet·
o we das mich ir gvͤte niht
genedeklich erkēnet·
da vō wird ich lones ſeltē vꝛo·

Als ich gemeineclichē mv̊s gebarē·
ſo iſt ir ſpot·
alles dc ich geſage·
vn̄ giht ich welle ir erē varē·
nv dvr got
hoͤꝛet mine klage·
ſi wil dc ich vꝛemde ſi
vn̄ dar mit trúwē ſinne·
ſi mag es han vúr ſie ſie will
ine^{[WS 3]} hāſ niht vúr mīne·
ich ſol dir eteſwēne wachē bi·

Anmerkungen (Wikisource)

1. Vorlage: die.
2. Vorlage: lāge.
3. Vorlage: me.