Nv lat úch númme wund̾ habē ir mā vn̄ ǒch ir frowē

Nv lat úch númme wund̾ habē ir mā vn̄ ǒch ir frowē·
dc got ſine mv̊t̾ ſach ê er ie moͤnſche wart·
er dāne ie himelw̋t gewurket· ir got lies erden ſchǒwē·
do ſwebt d̾ heilig geiſt vf mīnē ſe vn̄ hielt vil zarte·
barmvnge die in ſelb̾ hat betwūgē·
die leit er an die mv̊t̾ ſin· ob ich han war geſvngē·
dc wil ich an die w̾dē wiſē meiſt̾ pfaffen lan·
vn̄ an deſ kúnigeſ týrols bv̊ch dc ſaget vnſ ſvnder wan·

Ich wil úch vō ſiben kronē ſagē die trůg ein frow̾ē bilde·
dc wc bi dē zitē do got ſinú wūder mas·
wie die vrowē ſin genāt daſt manigē toꝛē wilde·
wā deſ kúnigeſ týrol bůch hat mich berihtet bc·
wie wir die reinē frowē ſvln nennē·
er ſelig mā ſi keiſerin· d̾ ſi kan halb erkennē·
d̾ mag wol gotes hulde habē vn̄ hie d̾ w̾lte gvnſt·
nv vꝛage fúr bas tvmb̾ man ich ſage dirſ hab ich kvnſt·

IR hohen pfaffen ſwa ir ſit ir meiſt̾ pꝛediere·
ir w̾dē leigē vꝛowē nemt mī ſingē niht v̾haſ·
vō einē bv̊ch wie kvnd ich vns dú hohgeloptē mere·
wie got ſelber zeiner zit· in ſiner tǒgē ſas·
er dahte zwar ein ding dc mv̊s geſchehē·
dv wilt barmv̄ge vn̄ ǒch dc reht ī eren bilde ſehē·
trúwe vn̄ ere die zwo frowē ǒch nach irm ſitte
ſcham vn̄ milte zuht dú reine klare giēc da mitte·

Solt ich úch vō d̾ zierde ſagē wie die frowē w̾en·
gekroͤnt vn̄ gekleit ir ſpehe wurde vil·
ſwie ichs vō daniel dē wiſſagē gew̾en·
habe vn̄ ǒch vō deſ kv́nigeſ týrols bv̊ch es w̾e leigē alzevil·
hier vmb wil ich vꝛagen reine wiſe lúte·
wie ich die goteſ tǒgen d̾ w̾lte gar betúte·
welhe frowē da got hielt vúr al ſin wund̾ zart·
barmv̄ge die gab er mēſcheit dú ſit ſin mv̊t̾ wart·