Mit urlǒb wil ich scheiden von dem lande

Mit urlǒb wil ich scheiden von dem lande·
hertz vnd můt das las ich ir ze pfande·
sin vnd gedank die wên von ir nit scheiden·
si sint ir bi mit steteklichen trúwen·
das ist also vnd sol mich doch nit rúwen·
vnd fuͤr ich von den kristan zv̊ den heiden·
so wil ich doch ir diner sin·
dú mich da twinget her· von kindes iugent·
ich wil der lieben vrǒwen min·
mit willen dienen dur ir wiplich tugent·
wie si mich hat berǒbet· můt· vnd der sinnen gar·
ich nîg al dar·
das můs mir sin erlǒbet·
wie verre ich von den landen var·