Mir kvmt eteſwenne ein tac
[98v]
Mir kvmt eteſwenne ein tac·
dc ich voꝛ vil gedankē niht·
geſingē noh gelachen mac·
ſo wenet menger der mich ſiht·
dc ich in groſſer ſwere ſi·
mir iſt vil lihte ein froͤide nahe bi·
wil dú ſchone trúwe enpflegē vn̄ dú gv̊te·
ſo iſt alſo wol mir ze mv̊te·
als der bi frowē hat gelegē·
Ich wirde iemerlichē alt·
ſol mich dú werlt alſo v̾gan·
dc ich dekeinē gewalt·
an minē liebē frúnde han·
dc er tete ein teil des willē min·
mich mvͤt vn̄ ſol im iemā lieber ſin·
botte nv ſage im niht me·
wan mir iſt leide·
vn̄ fúrhte des dc ſich ſcheide·
dú trúwe der wir pflagen e·