Textdaten
Autor: Winli
Illustrator: {{{ILLUSTRATOR}}}
Titel: Minnenklichv́ minne
Untertitel:
aus: UB Heidelberg 231v
Herausgeber:
Auflage:
Entstehungsdatum: 13. Jahrhundert
Erscheinungsdatum: Vorlage:none
Verlag: Vorlage:none
Drucker: {{{DRUCKER}}}
Erscheinungsort:
Übersetzer:
Originaltitel:
Originalsubtitel:
Originalherkunft:
Quelle: UB Heidelberg
Kurzbeschreibung:
Mit aufgelösten Lettern. Vergleiche auch Minnēklichv́ minne in Originallettern.
Eintrag in der GND: {{{GND}}}
Bild
[[Bild:|250px]]
Bearbeitungsstand
korrigiert
Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:|Indexseite]]

[231v]

MInnenklichv́ minne
nv fuͤge dvrch guͤte
das mich disv́ liebe gesehe vnd ich si·
so das ich gewúnne·
vrǒ núwe gemuͤte·
das ich dirre sorge werde erlichen vrî·
kem ich iemer dar da ich si funde·
niemer ich er wunde·
ich rêdde ze kv́nde·
ob mich iender truͤge min dienst naher bi·

Nv hat sich genúwet·
der walt zehen iare·
das ich niemer sid núwe froͤide gewan·
het ich des getrúwet·
das si mir dem vâre·
mich ir dienen hies do si mich ir gewan·
secht so hette ich mich an ir gerochen·
ich hette ir gebrochen·
ich hette gesprochen·
als ir mir· vrǒwe· als bin ich v́ch man·

Das hab ich versumet
ich rur allen wiben·
si hat mich zemale vnd bin ich ir bar·
het ich do gerumet·
do si mich hies beliben·
so moͤcht ich nv dienen· wol her oder dar·
des enmag nicht sin· ich mv̊s ir neigen·
si mag mich wol zeigen·
den lúten fúr eigen·
vnd mag mich schetzen· die macht hat si gar·

IN mag nicht gelǒgen
ich si ir gevangen
des en gan ich nieman vf ertriche bas·
vnd ist das so tǒgen
das si mit ir wangen·
noch mit ǒgen nie der gelich engesas·
secht wie gůt gesellin ist dv́ reine·
alles das ich meine
das meinet si kleine·
trag ich zůtzir holt so treit si gegen mir has·

Nimt das nit ein ende·
das kostet ein sterben·
mich vil sênden man· dar zv̊ bin ich gestalt·
solken schaden wende
nit lâsse mich verderben·
minneklichv́ dv hast ir gewalt·
ald ich wil kempfen vor dem riche·
mit ir sicherliche[WS 1]·
das ich nicht entwiche·
ob ich lenger trúge die not manig valt·

Anmerkungen (Wikisource)

  1. Vorlage: ſicherlichen.