Mich wundert harte sere

Mich wundert harte sere·
dc maniger ere hat ane gv̊t·
vnd maniger gv̊t an ere·
doh der beidú halten kan·
der lebt in eren schine·
ere ane gv̊t wol túret·
an ere gůt· dur valschen mv̊t·
die ere gar verlúret·
ere vnd gv̊t swer die wil han·
der sol gv̊t vnd erhaft sin·
gv̊t er^{[WS 1]} gege got welen sol·
vnd erhaft gegen der welte·
dis leben mag im fuͤgen wol^{[WS 2]}·
dc in kein bederber schelte·
swer gůt vúr ere minnet·
sin gv̊t an ere gar zergat·
swer aber sich so versinnet·
dc er dvr gv̊t niht ere enlat·
des armv̊t wirt wol rat·

Anmerkungen (Wikisource)

1. Vorlage: ere.
2. Vorlage: diſen lebē mag in fuͤgē.